Хаартыска: minobrnauki.sakha.gov.ru
С.Н. Донской-II аатынан үөрэҕи сайыннарар уонна идэ таһымын үрдэтэр институт тэрийиитинэн, бэҕэһээ физкултуура биридимиэтигэр Бүтүн Арассыыйатааҕы үөрэнээччилэр олимпиадаларын түмүктүүр түһүмэҕэр кыттар оҕолор арыалдьыттарыгар, Манчаары Баһылай аатынан успуорт киинигэр учууталлар идэлэрин таһымын үрдэтэр куурус иккис күнэ буолан ааста.
Тустаах тэрээһиҥҥэ Арассыыйа 81 эрэгийиэниттэн бэрэстэбиитэллэр кытталлар. Кинилэр кэккэлэригэр эдэр талааннары өйүүргэ, сайыннарарга сүрүн оруоллаах 115 уһуйааччы баар.
Кууруска бэйэтин баай уопутун СӨ үтүөлээх учуутала, РСФСР норуотун үөрэҕириитин туйгуна, учууталлар учууталлара, СӨ физическэй култууратын уонна успуордун туйгуна, “Гордость Якутии” норуот бириэмийэтин лауреата Кривошапкин Владислав Николаевич үллэһиннэ. Кини тус бэйэтэ оҥорбут успуорт ураты тэрилин кэпсээтэ. Бу, физкултуура уруоктарын хаачыстыбалаахтык ыытарга көмөлөһөр. Владислав Николаевич үгүс үөрэнээччилэрэ бу ураты тэриллэр көмөлөрүнэн дьарыктанан улахан ситиһиилэри ситиспиттэр.
Кини оҥорбут тэриллэриттэн ааттыахха сөп: сыҕарыйар, ыйанан турар канаттары, тутум эргиир тэрилин, эргийэ сылдьар туорай маһы, роликовай тележканы, о.д.а.
Куурус бырагырааматыгар физкултуура уруогун вариативнай чааһыгар успуорт төрүт көрүҥнэрин биир компонент быһыытынан туһаныы суолталаах миэстэни ылла. Чурапчытааҕы физическэй култуура уонна успуорт институтун үрдүкү преподавателэ Сивцев Николай Николаевич хапсаҕай устуоруйатын уонна хапсаҕайы уруокка туһаныы туһунан кэпсээтэ.
Ивановскай уобаластан сылдьар арыаллааччы Иванова Ирина Александровна тус санаатын үллэһиннэ: “Биһиги ылбыт билиибитин үөрэнээччилэрбитигэр тириэрдэр соруктаах квалификациябытын үрдэтинэ, маастар-кылаастарга кытта кэлбиппит. Манна оскуолаттан саҕалаан уобаласка тиийэ бары түһүмэҕи ааспыт кыайыылаахтар кэллилэр. Бэйэбит да, оҕолорбут даҕаны Саха сирин сөбүлээтибит. Олимпиаданы таһынан сэргэх эксурсиялары тэрийдилэр” – диэн этэр. Бу туһунан Үөрэх уонна билим министиэристибэтин пресс-сулууспата суруйар. Сиһилии манна ааҕыҥ.
Соторутааҕыта Москваҕа РФ норуоттарын төрөөбүт тылларын учууталларын Бүтүн Арассыыйатааҕы сийиэһэ буолан ааста. СӨ Билимин академиятын…
Бу күннэргэ Үөһээ Бүлүү улууһун дэлэгээссийэтэ байыаннай дьайыы сиригэр, Донецкай, Луганскай, Запорожье, Белгород, Курскай хайысхаларынан…
Киин куоракка кирдээх уу ааһар турбата өрүү бүөлэнэр. Ордук бырааһынньык саҕана, будулҕан тумаҥҥа ханна эрэ…
Бүгүн өрөбүл күн – Күн салайар күнэ. Чаҕылхай, сырдык уонна күүстээх күн. Күн олоххо тапталы,…
Бүгүн, ахсынньы 14 күнүгэр, Саха сирин сорох улуустарыгар -12 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…