Фроҥҥа көмө ыытылынна

Бу күннэргэ Сунтаар улууһун “Харысхал” Аҕа дойду буойуттарын дьиэ кэргэттэрин кэмитиэтин чилиэттэрэ фроҥҥа 14 хаххалыыр сиэккэни, кэнсиэрбэлэммит собону уонна эти, сылаас таҥаһы, харысхаллары ыыттылар.

Ол  туһунан Аҕа дойду буойуттарын дьиэ кэргэттэрин кэмитиэтин эрэгийиэннээҕи салаатын бэрэссэдээтэлин солбуйааччы Саргылаана Неустроева иһитиннэрдэ.

“Бу гуманитарнай таһаҕаһы, ол иһигэр аадырыстаах баһыылкалары, буойуттарга Сунтаар улууһун баһылыга Анатолий Григорьев салайааччылаах улуус дэлэгээссийэтэ илдьэн туттарда. Кини этэринэн, байыаннайдар көмөнү тутаат, биир дойдулаахтарын кыһамньыларын, көмөлөрүн, тапталларын инники кирбиигэ да сытан билэллэрин тиэрдибиттэр”, — диэн кэпсээтэ спикер.