Хаартыска: Ил Дархан, бырабыыталыстыба дьаһалтатын пресс-сулууспата.
Ил Дархан Айсен Николаев сорудаҕынан, байыаннай дьайыыттан кэлбит дьону уонна кинилэр дьиэ кэргэттэрин үлэҕэ ылыы болҕомто күөнүгэр тутуллар. “Моя работа” фронт-офиска 9 байыас уонна 9 дьиэ кэргэттэрин чилиэннэрэ кэлэн, көмө көрдөөтүлэр. Бу туһунан Дьокуускайдааҕы дьарыктаах буолуу управлениетын салайааччы Мария Слепцова иһитиннэрдэ.
— Бүгүҥҥү күҥҥэ фронт-офиска байыаннай дьайыы кыттыылаахтарыттан 9 киһи кэлбититтэн, үһэ үлэ булбута, биир киһи бэйэ дьарыктаах буолан, дьыалатын арыйбыта, икки киһи үөрэххэ үөрэннилэр. Биир киһи “БЕЛАЗ” суоппарыгар үөрэнэр. Өссө биир киһи сабыылаах тэрилтэҕэ үлэҕэ киирэн эрэр буолан, куттала суох буолуу сулууспатыгар бэрэбиэркэлэнэ сылдьар, — диэн Мария Слепцова кэпсээтэ.
Маны тэҥэ, байыастар дьиэ кэргэттэриттэн 9 киһи кэлэн, квалификацияларын үрдэтэллэр, куурустарга үөрэнэллэр, бэйэ дьыалатын арыннылар, үлэ буллулар.
Байыаннай дьайыы кыттыылаахтара үлэ көрдүүр буоллахтарына, “Работа России” порталга эбэтэр судаарыстыбаннай өҥө порталыгар сайабылыанньа биэриэхтэрин наада. Эбэтэр, улуустарга дьарыктаах буолуу сулууспаларыгар тиийиэххэ сөп. “Моя работа” фронт-офис аадырыһа Петр Алексеев уулуссатын 19/3 №-гэр баар.
Ил Дархан, бырабыыталыстыба дьаһалтатын пресс-сулууспата.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…