ФСБ «Крокус Сити Холл» теракка сыһыаннаах эбии үс киһини туттулар

ФСБ Москваҕа, Екатеринбурга уонна Омскайга «Крокус Сити Холл» комплекска буолбут теракка үс сыһыаннаах киһини туттулар. Бу туһунан ФСБ Уопсастыбаннай сибээһин киинигэр (ЦОС) иһитиннэрдилэр диэн rg.ru суруйар.

«Москва, Екатеринбург, Омскай куораттарга биир Арассыыйа уонна икки омук гражданнара тутуллуннулар … теракка кыттыгастаахтар», — диэн биэдэмистибэҕэ иһитиннэрдилэр.

ФСБ Уопсастыбаннай сибээһин киинигэр быһаарбыттарынан, икки киһи террорист сэбилэниини уонна тырааныспары атыылаһары үбүлээбиттэр, оттон үһүс киһи теракт оҥорор дьону буларга кыттыбытын быһаардылар. Биэдэмистибэҕэ бэлиэтииллэринэн, үс киһи бары киин Азия эрэгийиэниттэн төрүттээхтэр.

Санаттахха, Москва уобалаһын Красногорскай куоратыгар «Крокус Сити Холл» комплекска терак кулун тутар 22 күнүгэр буолбута. Террористар «Пикник» бөлөх кэнсиэригэр кэлбит дьону ытыалаабыттара, ол кэнниттэн кэнсиэр саалатын уоттаабыттара.