Хаартыска: "Фтизиатрия"
Кулун тутар 26-29 күннэригэр Е.Н.Андреев аатынан “Фтизиатрия” научнай-бырактыычаскай кииҥҥэ Улан-Удэ куорат сэллиги утары охсуһар өрөспүүбүлүкэтээҕи диспансерын үлэһиттэрэ уопут атастаһа кэлэ сырыттылар.
Уопсастыбаннаһы кытары сибээс исписэлииһэ А.Г.Кожевникова уонна хаачыстыба, килиниикэ-диагностика сулууспатыгар кылаабынай бырааһы солбуйааччы Л.Л.Зубкова “Фтизиатрия” лабораторияларын, сардаҥа диагностикатын отделениетын, мэдиссиинэ үлэтин хаачыстыбатын уонна куттал суох буолуутун хонтуруоллуур отделын, тыынар уорганнар сэлликтэрин отделениетын үлэтин билистилэр. Научнай-бырактыычаскай киин сүрүннүүр исписэлиистэрэ Готовцева А.И., Алексеева Г.И., Ермолаева Е. И., Сон Е. Д., Филиппова О. И. ыалдьыттарга Саха сирин фтизиатрияҕа сулууспатын ситиһиилэрин кэпсээтилэр, отделениелар үлэлэрин көрдөрдүлэр, интэриэһиргиир ыйытыыларыгар сиһилии хоруйдаатылар.
Бурятияттан кэлбит биир идэлээхтэрэ “былыттаах поликлиника” хайысхатын, улуустардааҕы диспансердары кытары үлэни улаханнык интэриэһиргээтилэр.
Холбоһуктаах үлэ туһалаахтык ааста, килииникэ үлэтин салаатыгар уонна наука чинчийиилэригэр салгыы бииргэ үлэлииргэ былааннары торумнаатылар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…