Гаас билиитэтин туһаныллар болдьоҕо бүтэн эрэрин хайдах быһаарабыт?

Гаас билиитэлэрэ, колонкалара уонна хочуоллара эмиэ туспа  болдьохтоохтор. Ханнык баҕарар тэрил курдук түргэнник эргэрэллэр уонна аныгы ирдэбилгэ эппиэттээбэт буолаллар. Гаас тэрилин сулууспатын болдьоҕун хайдах билиэххэ сөбүй уонна болдьоҕун кэннэ туһаныахха сөп дуо? 

Ханнык баҕарар тэрил сулууспалыыр болдьоҕун билигин оҥорон таһаарааччы бэйэтэ быһаар. Ону собуот докумуоннарыттан көрдүөххэ наада — үксүн инструкция, сороҕор пааспар, «гарантия талона» буолар.

• Гаас билиитэлэрин көрүҥнэринэн үгүстэрин болдьохторо 10 сыл буолар. Ол эрэн атын да түбэлтэлэр эмиэ баар буолуохтарын сөп. Холобур, Kraft билиитэлэр баара-суоҕа 7 сыл үлэлииллэр.
• Колонкаларга ортотунан  сулууспалыыр болдьоҕо үксүн 12 сыл буолар. Манна да атын холобурдар бааллар. Холобур, Elektrolux GWN 265 ERN NanoPlus-ка — 10 сыл.
• АОГВ хочуоллара ортотунан сулууспалыыр болдьоҕо үксүн 14 сыл буолар. Холобур, «Ростовгазоаппарат» САП оҥорор АОГВ-11,6-3 хочуола 10 сыл үлэлиир.
• Муостаҕа турар хочуолларга оҥорон таһаарааччылар араас болдьоҕу ыйаллар. Холобур, чугуун КЧМ-7  – 25 сыл. Оттон эмиэ чугуун Kentatsu Kobold S-ка — 10 сыл, ыстаал Конорд КСц-Г-га — 15 сыл.
• Истиэнэҕэ ыйанар хочуоллар сулууспатын болдьоҕо үксүн 10-тан 12 сылга диэри буолар. Холобур, Baxi бары тэриллэригэр — 10 сыл, Ariston фирма эркин хочуоллара эмиэ оннук. Оттон Арассыыйа оҥоһуга GAZLUX хочуолугар оҥорон таһаарааччы 12 сыл үлэни эрэннэрэр.

Бары оҥорон таһаарааччылар сүрүннээн тэрил сулууспалыыр болдьоҕун чопчу эппэттэр, онон хас биирдии моделга собуот докумуоннарын болҕомтолоохтук ааҕыахха наада.

Болдьоҕо бүппүт буоллаҕына тугу гынабыт?

РФ сокуонугар сөп түбэһиннэрэн, дьиэҕэ туттуллар гаас тэрилин сулууспатын болдьоҕо бүтээтин кытта тутатына уларытыахха наада.

Ол эрэн үгүс түбэлтэҕэ 10 сыл кэнниттэн гаас билиитэтэ үлэлиир туругун сүтэрбэт. Билиитэ муҥутуурдук эргэриэн сөп, өскөтүн  кафеҕа турбут уонна сарсыардаттан киэһэҕэ диэри тохтоло суох дьоҥҥо ас астаабыт буоллахтарына. Оттон билиитэни дьиэҕэ-уокка туһаннахха уонна оҥорон таһаарааччы ирдэбиллэрин тутуспут буоллахха, өссө уһуннук үлэлиэн сөп.

• Билиитэ муҥутуур турукка тиийбитин бэлиэтинэн духуопка үлэлээбэт буолар.
• Колонкалары теплообменник герметичноһа кэһилиннэҕинэ эбэтэр уларытыллар деталын сыаната тэрил бэйэтин сыанатын 75%-нын аһардаҕына уларытыахха наада.

Бу түбэлтэлэргэ саҥа тэрили туруорар ирдэнэр. Эргэни өрөмүөннүүрдээҕэр барыстаах.

Болдьоҕо бүтэн баран, тэрил үлэлии турар буоллаҕына тугу гынабыт?

Өскөтүн тэрил туруга үчүгэй буоллаҕына, тэхиниичэскэй диагностиканы ыытыахха наада. Ол тэрил дьиҥнээх тэхиниичэскэй туругун быһаарарга, наада буоллаҕына алдьаныыны булан быһаарарга көмөлөһүө. Уонна сүрүнэ — салгыы туһаныллар кыаллар болдьоҕун быһаарыа.

Диагностиканы ким ыытарый?

Кыбартыыра иһинээҕи гаас тэрилин, ол иһигэр билиитэлэри, колонкалары уонна хочуоллары диагностикатын квалификациялаах исписэлиистэрдээх уонна кэтиир-кээмэйдиир тэриллэрдээх, наадалаах матырыйааллардаах, оҥоһуктардаах, үнүстүрүмүөннэрдээх уонна сыһыарыылардаах тэрилтэлэр ыыталлар. Маны оҥорорго анал лицензия (аккредитация) ирдэммэт.

Кылгастык сүрүнэ

• Гаас билиитэлэрин, колонкаларын уонна хочуолларын сулууспатын болдьоҕо оҥорон таһаарааччы докумуоннарыгар ыйыллар.
• Болдьох бүтэн хааллаҕына, тэрили уларытыахха эбэтэр диагностиканы ыытыахха наада.
• Диагностика түмүгүнэн гаас тэрилин салгыы туһаныллар болдьоҕо быһаарыллар.
• Дьиэҕэ туттуллар гаас тэрилин диагностикатын биирдэ эрэ буолбакка, хаста да ыытыллыан сөп.