Гаас сыаната биллэ үрдүүрэ күүтүллэр

Алтынньы 1 күнүттэн Арассыыйа үрдүнэн гаас атыыга сыаната, бырамыысыланнас уонна нэһилиэнньэ курдук туһанааччылар бары категорияларыгар, 9,6%-нан үрдүөҕэ. Бу туһунан Федеральнай монополияны утары сулууспа (ФАС) бирикээстэригэр этиллэр. Докумуон нуормалыыр-быраап аахталарын официальнай саайтыгар таҕыста.

«2026 сыл алтынньы 1 күнүттэн гаас бөдөҥ атыыга сыаната 9,6%-нан индексацияланыаҕа», — диэн докумуоҥҥа суруллубут. Сыана үрдээһинэ уһун болдьохтоох тарыыбы уларытан олоххо киллэриини уонна гаас инфраструктуратын сайыннарыыны кытта сибээстээх. Гаас бөдөҥ атыыга сыанатын таһынан, ФАС бирикээстэригэр уматыгы гааһы тарҕатар ситимнэринэн тиэйии тарыыбын үрдээһинин индексэ эмиэ ыйыллыбыт. Ол курдук,  гааһынан хааччыйыы өҥө иһин төлөбүр быйыл — 11,6%, 2027 сылга – 11,1%, оттон 2028 сылга – 7% үрдүөҕэ.