Тохсунньу 1 күнүгэр «Сахатранснефтегаз» хампаанньа гааска сыананы үрдэттэ, ол аата «күөх төлөн» эрэ буолбакка, итиини биэрии – ГРЭС гааһынан үлэлииринэн, онно сыана үрдүө, оччоҕо табаар уонна бородуукта эмиэ ыарыа диэн урбаанньыттар биир бизнес-бөлөххө суруйбуттара.
Кинилэр 2022 сыл тохсунньутуттан 2023 сыл тохсунньутугар диэри гааска тарыып юридическай сирэйдэргэ 4 төгүл – кулун тутар, атырдьах ыйыгар, ахсынньыга, тохсунньуга улаатыннардылар… Онон барыта 17% үрдээтэ диэбиттэрэ.
Бүгүн ити сурах төһө оруннааҕын «Сахатранснефтегаз» хампаанньа пресс-сулууспатын начальнига Василий Амбросьевтан чуолкайдастыбыт.
«Итинник көҥүл толкуйдаан суруйуу уопсастыбаннаһы булкуйуу буолар», — диэн хампаанньа пресс-сулууспатын начальнига Василий Амбросьев эттэ.
Кини бэлиэтээбитинэн, 2022 сылга нэһилиэнньэ гааһынан туһаныытын тарыыбын үрдээһинэ ортотунан 9,4%, оттон юридическай сирэйдэргэ 15% буолла, 2023 сылга тохсунньу 1 күнүттэн юридическай сирэйдэргэ эрэ 0,4% үрдээтэ.
«Ол быһыытынан 17 % ордук үрдээһин суох. Өскөтүн юридическай сирэй уонна нэһилиэнньэ гааһы туһаныы тарыыбын туһунан быһаартарыан баҕардаҕына, «Сахатранснефтегаз» хампаанньа Табаары батарыыга управлениетыгар кэлэн билсиэн сөп», — диэтэ Василий Амбросьев.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…