Гагарин уокуругун поликлиниката саҥа дьиэлэниэ

Share

Дьокуускай куорат Гагарин  уокуругар саҥа поликлиника  тутуутун хаамыытын СӨ Судаарыстыбаннай Мунньаҕын (Ил Түмэн)   дьокутаата Павел Петров, Куорат дууматын дьокутаата Андрей Лебедев билистилэр.

Оробуочай көрсүһүүгэ СӨ экэниэмикэтин миниистирэ Майя Данилова, Гагарин уокуругун уонна Марха дьоҕус оройуон дьаһалтатын салайааччылара, Дьокуускай куорат 2 №-дээх балыыһатын кылаабынай бырааһа Саргылаана Васильева, Марха  уопсастыбаннай сэбиэтин чилиэннэрэ кытыннылар.

Поликлиника судаарыстыбаннай-чааһынай  бииргэ үлэлээһин ньыматынан тутуллар. «ПКФ ВИС» генеральнай бэдэрээтчит бэрэстэбиитэлэ иһитиннэрбитинэн,  быйыл ыам ыйын ортотугар тутааччылар саҥа дьиэҕэ  монолитнай кутууну саҕалыахтара.

Майя Данилова: “Тутууну  Ил Дархан Айсен Николаев хонтуруоллуур. Ый анараа өттүгэр  бу эбийиэккэ аналлаах  оробуочай мунньах буолбута”, — диэн  саҥа поликлиника 2023 сыл IV кыбаарталыгар тутуллан бүтүөхтээҕин туһунан эттэ.

«Саҥа поликлиникаҕа улахан лаборатория, сардаҥа  диагностикатын, МРТ уонна көмпүүтэр томографиятын аппарааттара, УЗИ кэбиниэттэрэ баар буолуохтара. Доруобуйаны чөлүгэр түһэрии, физиотерапия, ЛФК кэбиниэттэрэ үлэлиэхтэрэ. Ону таһынан поликлиника иһинэн нэһилиэнньэ наадыйыытыгар  суһаллык тиийэргэ Суһал мэдиссиинискэй көмө ыстаансыйата үлэлиэҕэ”, — диэн балыыһа кылаабынай бырааһа  Саргылаана Васильева инники былааннары үллэһиннэ.

Саҥа поликлиникаҕа Дьокуускай куорат 2 №-дээх балыыһатын билигин араас оройуоннарынан тарҕанан үлэлии олорор   отделениелара көһөн кэлиэхтэрэ. Ону таһынан Марха балыыһата Березовая 11 аадырыстан көһөрүллүөҕэ. Биллэрин курдук, бу дьиэ саахалланар туруктаах.

БЫҺААРЫЫ:

Дьокуускай куорат 2 №-дээх балыыһата  40 тыһыынча киһини мэдиссиинискэй өҥөнөн хааччыйар. Кинилэртэн 28 тыһыынчата – улахан дьон, онтон атыттара кырачааннар уонна 18-гар диэри саастаах обургу оҕолор. Поликлиникаҕа —  Гагарин уокуругун, Марха дьоҕус оройуонун  уонна Маҕан сэлиэнньэтин олохтоохторо  сыһыарыллаллар.

Recent Posts

  • Сонуннар
  • Сүрүн

2026 сылга мунньуллар биэнсийэттэн хас сууманы ылыахха сөбүн туһунан иһитиннэрдилэр

Арассыыйа олохтоохторо 2026 сылга  мунньуллар биэнсийэлэриттэн  440 тыһыынча солкуобайы биир кэмнээхтик ылыахтарын сөп диэн РИА…

3 часа ago
  • Сонуннар

Ефрем Семенов: «Каадыр бэлиитикэтигэр улахан болҕомто ууруллуоҕа»

Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…

4 часа ago
  • Сонуннар
  • Уопсастыба

Диана Соломонова: «Сийиэскэ этиилэрбин болҕомтоҕо ылбыттарыттан үөрдүм»

Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ  үгүс дьокутааты…

4 часа ago
  • Сонуннар
  • Уопсастыба

Дьоҕус урбааны өйүүр  боппуруос туора туран хаалыа суохтаах

Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…

4 часа ago
  • Байыаннай эпэрээссийэ
  • Уопсастыба

“Надеждалар” быйыл сүүрбэччэ араас көрүҥнээх 861 таҥаһы тиктилэр

“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…

4 часа ago
  • Бэрээдэк

Аймаҕар көмөлөһөөрү кирэдьиит ылан, улахан иэскэ киирбит

Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…

5 часов ago