Егор Карпов
Дьокуускайга Гагарин уокуругар хаары ыраастааһын, ууну оботторуу үлэтэ ыытылла турар. “Быйыл хаһааҥҥытааҕар да элбэх үлэни көрүстүбүт”, — диэн кэпсиир уокурук дьаһалтатын салайааччы Евгений Сидоренко.
Үлэ ааспыт сыллааҕар элбэх. Өскөтүн былырыын уокуруктан уопсайа 17 тыһыынча кубометр хаар тиэйиллибит эбит буоллаҕына, быйыл, бүгүҥҥү күн туругунан, тиэйиллибит хаар 30 тыһыынча кубометрга чугаһаан эрэр. Биллэн турар, бу түмүктүүр сыыппара буолбатах, күнүстэри-түүннэри хаары тиэйии тохтообокко ыытыллар.
Евгений Васильевич этэринэн, нуоруманы таһынан үлэ бара турар. “Уокурукка баар тэрилтэлэр, кэлэктииптэр хаары ыраастааһын үлэтигэр көмөлөрө улахан. Уокурук дьаһалтатыттан саҕалаан үөрэх тэрилтэлэрэ, урбаанньыттар бары субуотунньукка тахсаллар. Холобур, куорат киирии ааркатын таһыгар Сибээс кэллиэһин үлэһиттэрэ билигин бөҕү-саҕы ыраастыыллар. Улахан көмөнү Инновация министиэристибэтэ оҥордо. Ол курдук, ааспыт чэппиэртэн чалбах уутун оботторууга, хаар тиэйиигэ көмөлөһөллөр”. Бастатан туран оскуола, уһуйаан, социальнай эбийиэктэр тастарыттан хаары ыраастаабыттар. Сорох социальнай эбийиэктэргэ киирэр суолларга быстах кэмҥэ дьон сылдьарыгар поддоннары сакаастаан тэлгээбиттэр.
Кычкин аатынан уулуссаҕа “Камаз” массыынанан чалбаҕы оботторо турар суоппар Данис Сабиров: “Бу уулуссаҕа сэттис кырыныым”, — диэн кэпсээтэ. “Быйыл хаһааҥҥытааҕар даҕаны элбэх үлэни көрүстүм. Үлэ элбэҕин таһынан, тиийэр сир уустук, сорох уулуссаларга онноҕор “Камаз” киирэрэ ыарахаттардаах. Былырыын эмиэ чалбаҕы оботторууга үлэлээбитим эрээри, маннааҕар холку этибит”, — диэн санаатын үллэһиннэ.
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…