Хаартыска: Ил Дархан, бырабыыталыстыба дьаһалтатын пресс-сулууспата.
Муус устар 21 күнэ — Арассыыйаҕа Олохтоох бэйэни салайыныы күнэ. Госдуума дьокутаата Галина Данчикова бу бэлиэ күнүнэн эҕэрдэлээтэ.
«Ытыктабыллаах муниципальнай тэриллиилэр баһылыктара уонна дьокутааттара!
Олохтоох бэйэни салайыныы күнүгэр Саха сирин уонна Арассыыйа олохтоохторун тустарыгар көдьүүстээх, ситиһиилээх үлэни баҕарабын. Эһиэхэ эрэ, олохтоох былаас бэрэстэбиитэллэригэр, дьон-сэргэ бастакы уочарат кыһалҕатын быһаартара кэлэр. Уустук кэмҥэ эһиги эрэ бастакынан эппиэтинэһи уонна быһаарыылары ылынаҕыт.
Бүгүҥҥү бырааһынньык күн эһиги сыралаах үлэҕит, тулуургут, болҕомтоҕут, дьоҥҥо кыһамньыгыт, төрөөбүт дойдугут сайдарын туһугар туох кыалларынан барытын оҥоро сатыыр дьулуургут иһин махтаныахпын баҕарабын.
Соторутааҕыта аҕай курдук этэ, муниципальнай тэриллиилэр бэрэстэбиитэллээх уорганнарын дьокутааттарын сийиэстэригэр уонна муниципальнай тэриллиилэр сэбиэттэригэр муниципальнай каадыр бэлиитикэтин, хотугу дойдубут хас биирдии олохтооҕор усулуобуйа тэрийии, уо.д.а. сүрүн боппуруостары ырытыспыппыт.
Тас дьайыы баарын да үрдүнэн, бүгүн хоту дойду олохтоохторун олохторун таһыма үрдүүрүн туһугар элбэх оҥоһулунна. Уһук Илин уонна Арктика сайдыытыгар 71-с федеральнай сокуон ылылынна. Бу сыалга бэрэсидьиэн көҕүлээһиннэрэ туһаайыллаллар, олор национальнай бырайыактар чэрчилэринэн, доруобуйа харыстабылын, үөрэҕирии, култуура, спорт, тырааныспар, о.д.а. хайысхаларынан олоххо киирэллэр.
Ол да иһин дьокутааттар, олохтоох бэйэни салайыныы бэрэстэбиитэллэрин хонтуруолларын, оруолларын үрдэтэр улахан суолталаах.
Күндү доҕоттор! Бэҕэһээ бэрэсидьиэн Владимир Путин Олохтоох бэйэни салайыныы сэбиэтин мунньаҕар анал байыаннай дьайыы кыттыылаахтарыгар, дьиэ кэргэттэригэр көмөнү күүһүрдэргэ болҕомтоун туһаайда. Бу үлэ миэстэтигэр өссө ордук суолталаах. Көмө хаачыстыбатыттан, олохтоох былаас бэрэстэбиитэллэрин кыһамньыларыттан дьон-сэргэ, уопсастыба настарыанньата тутулуктаах диэн судаарыстыба аҕа баһылыга эттэ.
Бу соругу эһиги дьоһуннук быһаара сылдьаргыт буолуо диэн эрэнэбин! Өр сыллаах уопут көрдөрөрүнэн, олохтоох бэйэни салайыныы уорганнара күүстээх, аптарытыаттаах, дьон интэриэһин туруулаһар буоллахтарына эрэ, олохтоох былаас көдьүүстээх уонна сайдыылаах буолар.
"Огонь жизни" диэн Бүтүн Арассыыйатааҕы эстафетаҕа байыаннай дьайыы бэтэрээнэ Игорь Марсунов кытынна. Тэрээһиҥҥэ былаас бэрэстэбиитэллэрэ,…
Эдьигээн бөһүөлэгэр тыатааҕы киирэн аймалҕан тахсыбыт сураҕа чахчытын, сымыйатын билээри чопчулуурга сананныбыт. Ол курдук бу…
Тыйыс айылҕалаах Лаптев муора кытыытыгар турар Анаабыр сиригэр түҥ былыргыттан ыаллаhан, сахалар, эбэҥкилэр, долганнар эйэ…
Бөлүүн Тааттаҕа, Чурапчыга тоҥоруу буолан, дьон оҕуруота үлүйбүтүн туһунан сурах тарҕанна. Бу туһунан Ытык Күөл…
Дьокуускай куоракка бэс ыйын 16 күнүгэр 6 суол быһылаана таҕыста. Биэс киһи эчэйиини ылбытын туһунан…
— Малы-салы кирилиэс эҥин анныгар уурар көҥүллэнэр дуо? Стручковтар. “Объясняем.РФ” саайт маннык сүбэни биэрбит: — Дьон бэйэлэрин…