Галина Данчикова бэс ыйынааҕы көрсүһүүлэрин бастакы нэдиэлэтин түмүктээтэ

Судаарыстыбыннай Дуума дьокутаата, “Биир ньыгыл Арассыыйа” фракциятын чилиэнэ Галина Данчикова бэс ыйынааҕы көрсүһүүлэрин бастакы нэдиэлэтин түмүктээтэ.

Ол курдук, бу нэдиэлэҕэ Галина Иннокентьевна байыаннай эпэрээссийэ кыттааччыларыгар сылаас таҥас тигиитинэн дьарыктанар «Тепло рук» уопсастыбыннай иистэнэр сыах иистэнньҥнэрин кытта көрүстэ, «Харысхал» аһымал пуонда айар мастарыскыайыгар сырытта, мөлтөхтүк истэр оҕолор ийэлэрин кытта көрсөн кыһалҕаларын ырытта.

Ону таһынан, дьокутаат Хаҥалас улууһун Улахан Аан сэлиэнньэ оскуолатын хапытаалынай өрөмүөнэ хайдах бара турарын көрдө, Жатайдааҕы судоверфь былааныттан тоҕо бытаарбытын быһаарыста, Дьокуускайдааҕы авиационнай техническэй колледж саҥа үөрэнэр уонна уопсай дьиэтин тутууну түргээтэтэр туһунан үөрэх кыһатын салалтатын кытта кэпсэттэ.