РФ Судаарыстыбаннай Дууматын дьокутааттара РФ Тутууга уонна олорор дьиэ-уот, коммунальнай хаһаайыстыбаҕа министиэристибэтэ бигэргэппит төлөбүрүн хос көрүүнү туруорсаллар. Ол эбэтэр элбэх кыбартыыралаах дьиэлэргэ, ону таһынан дьиэ иһинээҕи гаас тэрилин тиэхиньиичэскэй хааччыйыы төлөбүрүн кээмэйин ааҕыы хос көрүллүөхтээх. Тоҕо диэтэххэ, бу өҥөлөр суумалара үгүс эрэгийиэҥҥэ 10-30% үрдээбит.
Төлөбүр үрдээһинэ улахан куораттарга уонна уобаластарга, Самара, Ханты-Мансийскай уокурук, Сахалин курдук эрэгийиэннэргэ кыбартыыраларга гаас тэрилин тиэхиньиичэскэй хааччыйыынан элбэх ахсааннаах чааһынай хампаанньалар дьарыктаналларын кытта сибээстээх. Кинилэр монополистар буоланнар, сыананы хас эмэ төгүл үрдэтэллэр.
Судаарыстыбаннай Дуума бүддьүөккэ уонна нолуокка кэмитиэтин чилиэнэ Галина Данчикова бу сытыы тиэмэни пленарнай мунньахха көрүүгэ РФ тутууга уонна дьиэ-уот, коммунальнай хаһаайыстыба миниистирэ И.Э.Файзуллиҥҥа туруорсар туһунан Судаарыстыбаннай Дуума дьокутааттара ылыммыт уураахтарыгар болҕомтотун туһаайда.
“Дьокутааттар дьоһуннаах боппуруоһу дьүүллэһэн баран, дойду бырабыыталыстыбата кинилэр этиилэрин суһаллык көрөн быһаарарыгар, боломуочуйалаах министиэристибэ быраап базатыгар уонна методическай этиилэргэ уларытыылары киллэрэригэр эрэнэллэрин биллэрдилэр. Парламентарийдар нэһилиэнньэ бырааба көмүскэллээх буоларыгар эрэллээхтэр”, — диэтэ Галина Данчикова.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…