Галина Данчикова Госдуума көрбүт сокуоннарын сүрүнүн кэпсээтэ

Галина Данчикова Госдуума көрбүт сокуоннарын сүрүнүн кэпсээтэ

18.04.2023, 14:18
Хаартыска: Г.И.Данчикова архыыбыттан
Бөлөххө киир:

Ааспыт нэдиэлэ түмүгүнэн Судаарыстыбаннай Дуума дьокутаата, бүддьүөт уонна нолуок кэмитиэтин чилиэнэ Галина Данчикова пленарнай мунньахтарга көрүллүбүт сытыы боппуруостар тустарынан кэпсээтэ.

«Биир ньыгыл Арассыыйа» фракция анал байыаннай дьайыы кытыылаахтара инбэлиит буоллахтарына эбэтэр өллөхтөрүнэ, кинилэр төрөппүттэрэ созаемщик быһыытынан төлүү сылдьар кирэдьииттэрин сотор туһунан сокуон бырайыагын бастакы ааҕыыга өйөөтүлэр.

Галина Иннокентьевна байыаннай дьайыы кыттыылаахтарын оннугар кирэдьиит төлүү сылдьар созаемщиктарга «каникул» көрүллүүтүн туһунан сокуон кэҥиирин быһаарда. Билигин үлэлии турар сокуонунан чэпчэтиинэн байыаннай слууспалаах кэргэнэ, оҕолоро уонна кини иитэ сылдьыбыт дьоно эрэ туһаналлар. Оттон бу ылыллыахтаах сокуоҥҥа этиллэринэн, бары созаемщиктар, төрөппүттэриттэн саҕалаан иитэ ылбыт оҕотугар тиийэ туһаныахтара. Ону таһынан сокуоҥҥа байыаннай дьайыы кыттыылааҕа улаханнык эчэйэр эбэтэр өлөр түгэнигэр кирэдьиитин устуу бэрээдэгэ чуолкайданыа. Ол курдук, сокуон бырайыагар итинник түгэҥҥэ кирэдьиит дуогабарынан эбэһээтэлинэй төлөбүр тохтуура ыйыллыбыт.

Бастакы ааҕыыга Нолуок кодексыгар уларытыылары киллэрии, чуолаан, үөрэхтээһиҥҥэ, эмтэниигэ, эми-тому атыылаһыыга уонна үрдүк технологиялаах оборудованиены оҥорон таһаарыы өйөбүлүгэр социальнай нолуок көҕүрэтиитин (вычет) үрдэтии бигэргэммит.

Галина Данчикова бу сокуон көҕүлээһиннэрэ дойду Бэрэсидьиэнэ Владимир Путин федеральнай мунньахха сорудаҕынан олоххо киллэриллэр уонна дьиэ кэргэн туһугар нолуок систиэмэтин бэрээдэктээһин быһыытынан оҥоһуллар диэн бэлиэтээтэ. Ол курдук сокуон бырайыагынан физическэй сирэйдэр дохуоттарыгар нолуокка төлөбүрдэри көҕүрэтии (налоговый вычет) кээмэйин улаатыннарыы оҥоһуллуохтаах. Холобур, 50 тыһ. солк. 110 тыһыынча солк. диэри – үөрэниигэ ороскуокка. 120 тыһ. солк. 150 тыһ. солк. диэри – бэйэ үөрэҕин төлөбүрүгэр, эмтэниигэ, эми-тому атыылаһыыга, ол иһигэр кинилэр дьиэ кэргэттэригэр тарҕаныа.

Судаарыстыбаннай Дуумаҕа киирбит сокуон бырйыактарыттан Галина Данчикова «Биир ньыгыл Арассыыйа» фракция ыарахан балаһыанньаҕа түбэспит кыра уонна улаатан эрэр оҕолору көмүскүүр этиитин бэлиэтээтэ. Бу сокуон барыла оҕо буруйу оҥоруутун намтатарга уонна оҕо быраабын көмүскүүргэ көмөлөһүө. Ол курдук, быраабы кэспит улаатан эрэр оҕолор, Быстах кэмҥэ олорор кииҥҥэ чөлүгэр түһүүнү ааһан баран, сууттаммыт диэн дьарылы аны ылбат буолуохтара. Оччоҕо кинилэр көнөр суолга турар кыахтаналлар. Оҕолор салгыы оскуолаҕа үөрэниэхтэрэ, онуоха социальнай үлэһиттэр олоххо бэлэмнэнээх тахсалларыгар көмөлөһүөхтэрэ.

Ону таһынан Галина Данчикова сааһын ситэ илик оҕолорго вейптары (электроннай табаҕы) атыылааһыны бобуу туһунан сокуон бырайыагын үс ааҕыыга үһүөннэригэр бары кэриэтэ дьокутааттар өйөөбүттэрин бэлиэтээтэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
13 июля
  • 30°C
  • Ощущается: 29°Влажность: 37% Скорость ветра: 4 м/с

Сообщить об опечатке

Текст, который будет отправлен нашим редакторам: