Галина Данчикова Кыайыы күнүнэн эҕэрдэлээтэ

Судаарыстыбаннай Дуума дьокутаата, бүддьүөт уонна нолуок кэмитиэтин чилиэнэ  Галина Данчикова Кыайыы күнүнэн Саха сирин олохтоохторун, Аҕа дойду Улуу сэриитин бэтэрээннэрин, тыыл бэтэрээннэрин эҕэрдэлээтэ.

— Бу күн, оруобуна  78 сыл анараа өттүгэр, биһиги аҕаларбыт, эһээлэрбит, хос эһээлэрбит историческай кыайыыны ситиспиттэрэ. Кинилэр сэбиэскэй судаарыстыбаны уонна Европа дойдуларын  фашизмтан уонна  милитаризмтан босхолообуттара.  Аҕа дойдуну көмүскүүр Улуу сэриигэ 20 мөлүйүөн киһи тыыннарын толук ууран туран кыргыспыттара. Саҥа көлүөнэ дьон сэрии алдьархайын билбэт буоланнар, устуоруйаны төрдүттэн уларыта сатаатылар.  Биһиги бэйэбит сокуоннарбытынан олорорго бырааппытын көмүскүөхтээхпит. Барыгытын аан дойдуга эйэни аҕалбыт  улуу бырааһынньыгынан эҕэрдэлиибин.  Күндү биир дойдулаахтарым эһиэхэ кытаанах доруобуйаны, дьолу, этэҥҥэ буолууну баҕарабын, — диэн  Галина Данчикова эҕэрдэ тылыгар эттэ.