СӨ Ил Дарханын уонна бырабыыталыстыбатын пресс-сулууспата
Судаарыстыбаннай Дуума дьокутаата Галина Данчикова Саха Өрөспүүбүлүкэтин Бастакы бэрэсидьиэнэ Михаил Николаев барытын эрдэттэн көрөр, ураты мындыр толкуйдаах ытык киһи этэ диэн тоһоҕолоон этэр. Өрөспүүбүлүкэ кини оччолорго толкуйдаабыт толкуйунан, ол суолунан сайдан иһэрин бэлиэтээтэ.
«Мин Михаил Ефимович хамаандатыгар үлэлээбитим. Кини биһигини элбэххэ үөрэппитэ. Уһуйааччы, учуутал этэ. Михаил Ефимович барытын эрдэттэн сылыктаан, ыараҥнатан, дириҥник толкуйдаан көрөр уратылааҕа. Телемэдиссиинэни билигин буолуохтааҕын курдук ылынабыт. Оттон хаһан эрэ Михаил Ефимович миигин, телемэдиссиинэҕэ улахан сыһыана суох киһини, Аляскаҕа бу хайысханы сиһилии билэргэ-көрөргө анаан ыыппыта», — диэн этэр кини.
Галина Данчикова Михаил Ефимович дьону кытары уопсай тылы булан үлэлиирин бэлиэтээтэ.
«Михаил Ефимович Үп министиэристибэтин үлэһиттэрин ыйга бииргэ кабинетыгар ыҥырара. Салайааччылары буолбакка, исписэлиистэри уонна: «Эһиги инники иһэр министиэристибэҕит, барытын толкуйдаан көрүөхтээххит, эһигиттэн элбэх тутулуктаах», — диирэ. Михаил Ефимовичтыын сотору-сотору кэпсэтэрбит, куруук ыйытыы биэрэрэ, элбэҕи ырытыһарбыт», — диэн эттэ кини.
СӨ Ил Дарханын уонна бырабыыталыстыбатын пресс-сулууспата
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…