Галина Данчикова мунньах нэдиэлэтин түмүгүн таһаарар

Судаарыстыбаннай Дуума дьокутаата Галина Данчикова бэс ыйын 19-25 күннэригэр ыытыллыбыт пленарнай нэдиэлэ түмүгүн таһаарар.  Кини манна “Биир ньыгыл Арассыыйа” көҕүлээбит саамай суолталаах сокуон барылларыгар болҕомто уурар.  

Олортон иккитэ байыаннай эпэрээссийэ кыттыылаахтарын өйүүр хайысхалаах. Ол курдук, холобур, кинилэр үрдүк үөрэххэ киирэллэригэр чэпчэтиилэри эбии туһаналларын туһунан көннөрүүгэ сөбүлэҥнэрин биэрии буолар. Анал кубуотаҕа (специальная квота) хапсыахтара уонна барыйааннартан биирин талан үөрэххэ киирэр кыахтаныахтара: биир кэлим эксээмэн (ЕГЭ) түмүгүнэн эбэтэр үрдүк үөрэх тэрилтэтигэр үөрэххэ киирэр тургутуулары (вступительные испытания) ааһан. Чэпчэтиинэн, коронавирус дьаҥын саҕана суох буолбут миэдиктэр оҕолоро эмиэ туһаныахтара.

Украинаҕа байыаннай дьайыыга суох буолбут дьон оҕолорун оскуолаларга, уһуйааннарга, доруобуйалары бөҕөргөтөр лааҕырдарга уочарата суох ылыахтара. Чэпчэтиинэн байыаннай сулууспалаахтар уонна баҕа өттүнэн кыттааччылар, кинилэр дьиэ кэргэттэригэр көрүүгэ-истиигэ сылдьыбыт, иитэ ылар уонна патронатнай дьиэ кэргэттэри ааҕан туран, оҕолор туһаныахтара.

Дьокутааттар “Круг добра” пуонданан барар эмп-том нолуогун суох гыннылар. Ол түмүгэр пуонда эбии үптэниэҕэ, хаалбыт үбү оҕолор эмтэнэллэригэр, ол иһигэр орфаннай ыарыыларга, ыытыахтарын сөп.

“Судаарыстыбаннай Дуумаҕа эдэр исписэлиистэри кытта үлэ сыһыаннаһыыларын бэрээдэктиир сокуон барыла киирдэ. Докумуоҥҥа “эдэр үлэһит” диэн өйдөбүл баар уонна бастакы үлэ миэстэтин туһунан булгуччулаах усулуобуйаны суох гыныы туһунан суруллар”, — диэн дьокутаат эттэ.