Галина Данчикова нэдиэлэ суолталаах түгэннэрин туһунан

РФ Судаарыстыбаннай Дууматын дьокутаата Галина Данчикова, үгэс курдук, нэдиэлэ түмүктэрин таһаарарыгар ааспыт пленарнай мунньахтарга көрүллүбүт дьоһун суолталаах сокуон барылларыгар тохтоото.

Бастатан туран, парламентарий байыаннай эпэрээссийэ кыттыылаахтарын өйүүргэ хайысхаламмыт сокуон барылларын ырытта.

Үһүс бүтэһик ааҕыыга байыаннай эпэрээссийэ кыттыылаахтара кирэдьиит каникулугар бырааптарын туһунан сокуон ылылынна.

2014 сылтан Донбасска сэрии кыттыылаахтарыгар байыаннай дьайыылар бэтэрээннэрин статуһун биэрэр туһунан сокуон барыла ылылынна.

Инбэлиит оҕолор сайыҥҥы чэбдигирдэр лааҕырдарга баралларыгар булгуччулаах квота бэриллэрин туһунан «Биир ньыгыл Арассыыйа» сокуонун барыла бастакы ааҕыыны ааста.  Доруобуйаларыгар хааччахтаах оҕолор инклюзивнай симиэнэлэргэ сынньаныахтарын сөп, манна кинилэргэ усулуобуйа барыта тэриллиэҕэ.

Галина Данчикова баартыйа сокуоҥҥа көҕүлээһинин РФ бырабыыталыстабата өйөөбүтэ улахан суолталааҕын бэлиэтээтэ.

Нолуокка социальнай көҕүрэтии кээмэйэ улаатарын туһунан сокуон ылылынна. Сокуон сүрүн соруга – бастатан туран, оҕолоох дьиэ кэргэттэри өйөөһүн. Нолуоктан көҕүрэтии кээмэйин улаатыннарыы, холобур, эбии үөрэххэ бэриллэр үбү кэмчилииргэ көмөлөһүөҕэ.

Ааспыт нэдиэлэҕэ Саха сирин дьокутаата Галина Данчиковаҕа Кэбээйи улууһун Сангаар бөһүөлэгиттэн эдэр парламентарийдар ыалдьыттаатылар. Гимназия үөрэнээччилэрэ Вернадскай аатынан куонкурус түмүгэр ““АЛСИБ” салгын трассатын олоххо киллэрэргэ “Сангарскай шахта оруола” диэн бэйэлэрин бырайыактарын көмүскээтилэр.

Дьокутаат ааспыт нэдиэлэтээҕи почтатыгар быыбардааччылартан хас да сурук киирбитэ. Суруктар социальнай гаастааһын, олорор дьиэ усулуобуйатын тупсарыы,  нэһилиэнньэни өйөөһүн  атын да   боппуруостарыгар сыһыаннаахтар. Дьокутаат бу этиилэри ырытыыга ылыста.