РФ Госдууматын дьокутаата Галина Данчикова Өлүөхүмэ оройуонугар оробуочай сырыытын кэмигэр Социалистическай Үлэ Дьоруойун, сахалартан бастакы летчик Валерий Ильич Кузьмин дьиэ кэргэнин кытта көрүстэ. Быйыл Валерий Ильич төрөөбүтэ 105 сыла буолар.
Валерий Ильич төрөппүт кыыһа Зоя Валерьевна Махеева уолунаан, кийиитинээн, күтүөтүнээн уонна хос сиэннэринээн «Полярные авиалинии» хампаанньа көмөтүнэн аҕатын төрөөбүт дойдутугар көтөн кэллилэр. Үлэ Дьоруойа сэрии кэмигэр АЛСИБ трасса тутуутугар, сэрии кэниттэн Ли-2, Ил-12, Ил-14 сөмөлүөттэринэн Хотугу муустаах акыйаан кытыытын туһаҕа киллэриигэ, ону таһынан Саха сирин арҕаа өттүгэр алмаастаах сирдэри чинчийиигэ үлэлээбитэ. 1960-с сыллар бүтүүлэригэр Валерий Кузьмин Дьокуускайдааҕы гражданскай авиация управлениетын салайбыта.
Көрсүһүүгэ Валерий Ильич дьоно «Өлүөхүмэ» аэропортка кини аатын иҥэрэр туһунан дьүүллэстилэр, Дьоруойдар аллеяларыгар летчик пааматынньыгар сибэкки дьөрбөтүн уурдулар. Зоя Валерьевна Өлүөхүмэ олохтоохторо Валерий Кузьмины уонна кини быраатын Ариан Кузьмины куруутун өйдүү сылдьалларыгар махтанна. Летчик хос сиэнэ Миша эһээтин туһунан хоһоон аахта.
«Кузьминнар саҥа көлүөнэлэрэ патриоттуу иитиилээхтэрэ, төрөөбүт өрөспүүбүлүкэлэринэн киэн тутталлара олус үөрдэр», — диэтэ Галина Данчикова.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…