СИА хаартыската
Байыаннай эпэрээссийэ кэмигэр инники кирбиигэ сылдьар саллааттарбытыгар алын кылаас оҕолоро кытта өйөбүл-тирэх буолаллар. Ол туһунан Уус Маайа улууһун киин бибилэтиэкэтин Солнечнай бөһүөлэгин филиалын сэбиэдиссэйэ Галина Пустовойт санаатын үллэһиннэ:
— Байыаннай эпэрээссийэҕэ кытта сылдьар саллааттарбыт Саҥа дьылы чугас дьоннорун кытта бэлиэтиир кыахтара суоҕун учуоттаан, бу өттүгэр болҕомто уурар хайаан да наадалаах диэммит, биһиги бибилэтиэкэбитигэр үлэлиир «Творческая мастерская «Очумелые ручки» куруһуок бары кыттыылаахтара «Саҥа дьыллааҕы аахсыйа» диэн Бүтүн Арассыыйатааҕы аахсыйаны өйөөбүппүт. Нэдиэлэ устатыгар оҕолор бибилэтиэкэҕэ кэлэннэр куруһуок салайааччыта Н.И. Могила салалтатынан саллааттарга Саҥа дьыллааҕы аккырыыккалары оҥорон бэлэмнээбиттэрэ. Кырачаан оҕолор, ордук 3-с кылаас үөрэнээччилэрэ, маныаха олус эппиэтинэстээхтик сыһыаннаһаннар, хас биирдии аккырыыккаҕа бары дьоҕурдарын, талааннарын уураннар, кырасыабай гына оҥорорго кыһаннылар. Үгүстэр аккырыыккаларын сылаас үтүлүк, хаатыҥка быһыылаан оҥорууларын тымтар тыйыс тымныылаах Саха сириттэн эҕэрдэни, дьиэ-уот сылааһын бэлиэтиир диэн быһаараллар. Аккырыыккаҕа кырачаан дьон бэйэлэрин эҕэрдэлэрин суруйаннар, «Саллаат, эн эргиллэн кэлэргин күүтэбит. Дьиэҕэр Кыайыы кынаттаах тиийэн кэлээр!» диэн тус баҕа саналарын ыыппыттара. Биһиги ити аккырыыккаларбытын Дьокуускайга «Биир ньыгыл Арассыыйа» баартыйа Уопсастыбаннай приемнайыгар саллааттарга тиксэрэллэригэр анаан ыыппыппыт.
Оҕолор барахсаттар ыыппыт аккырыыккалара инники кирбиигэ, үөрэтэр полигоннарга сылдьар, госпиталларга эмтэнэ сытар бары саллааттарбытыгар харысхал буоланнар, кинилэр Ийэ дойдуларын, норуоппут инники дьылҕатын, чиэһин туруулаһыыларыгар эбии күүһү уктуннар!
Саҥа дьыл кими барытын түмэр бырааһынньык. Күн бүгүн биһиги дойдубут дьонугар түмсүү хаһааҥҥытааҕар да олус наадалаах кэмэ турар. Ол да иһин маннык аахсыйа ыытыллан, бүттүүн бииргэ буолууга барыбытын сомоҕолоото. Биир ньыгыл сомоҕо буоллаххпытына, биһиги туохха да кыайтарыахпыт суоҕа!
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…