Гастроэнтеролог суши кимиэхэ көҥүллэммэтин быһаарда

«Филадельфия» роллар – элбэх углеводтаах, сыалаах уонна калорийдаах ас. Сушины сииртэн туттуналлара наадалаах дьон эмиэ баар. Суши кимиэхэ көмүллэммэтин уонна тугу кытта дьүөрэлээтэххэ кутталлааҕын туһунан гастроэнтеролог, Пирогов аатынан университет Киһи биологиятын уонна патологиятын институтун патофизиология уонна клиническэй патофизиология кафедратын старшай преподавателэ Екатерина Титова кэпсээтэ.

«Сушины аһары сииртэн кытаанахтык туттунуҥ диэн сүбэлиир дьон эмиэ элбэх:

• Куртах-оһоҕос ыарыылара көбөн турар кэмигэр: гастрит, панкреатит, холецистит, колит. Аһыы соустар, уксус, сыалаах сыыр – ыарыыны күүһүрдэр уонна туругу мөлтөтөр быһа суол.
• Гипертониялаах (үрдүк хаан баттааһыннаах) дьон. Соевай соус – бу ыраас, концентрациялаах натрий. Биир порция соуска туус сууккатааҕы нуормата баар буолуон сөп, ол хаан баттааһынын үрдэтэр.
• Уойуулаах, атеросклерозтаах уонна 1 эбэтэр 2 тииптээх саахардаах диабеттаах дьон.
• Хат дьахталлар. Кинилэргэ сиикэй балыгы сиир төрүт көмүллэммэт, тоҕо диэтэххэ сүһүрүү, листериоз эбэтэр паразит ыарыытынан сутуллуу куттала үөскүөн сөп.
• Муора аһыгар, сояҕа аллергиялаах эбэтэр лактозаны (творожнай сыырга аҕыйах да буолуон сөп) буһарбат дьон», — диэн Титова эттэ.

«„Суши + шампанскай“ дьүөрэлэһиититтэн ыарытыйыы – эмиэ классическай түбэлтэ. Шампанскай, кока-кола эбэтэр минеральнай уу куртахха гаас хабахтарын үөскэтэллэр. Бу гаастар куртах истиэнкэтин алдьаталлар,  моторикатын – аһы хамсатар үлэтин уларыталлар. Ол түмүгэр куртах „сыппайбыт мөһөөччүккэ“ кубулуйуон сөп. Ону таһынан, гаастаах утахтартан тахсар гаастар липаза курдук аһы буһарар ферменнэр тахсыыларын хонтуруоллуур сфинктердэри сымнатыахтарын сөп. Уонна маннык дьүөрэлэһии панкреатит көбүүтүн күөдьүтүөн сөп. Түмүгэ – куртах ноҕуруусканы уйбат, онон аһы буһарбакка эрэ таһаара сатыыр», — диэн быраас сэрэттэ.