Хаартыска: https://100yakutia.ru/
Бүлүү улууһун 1-кы Чочу нэһилиэгэр биллиилээх судаарыстыбаннай уонна бэлитиичэскэй диэйэтэл, ССКП обкуомун бастакы сэкирэтээрэ Гавриил Иосифович Чиряев төрөөбүтэ 100 сылыгар аналлаах тэрээһиннэр саҕаланнылар.
Бу ыытыллар үлэ туһунан Чочу нэһилиэгин баһылыга Петр Догоюсов бу курдук кэпсиир:
— Биир дойдулаахпытыгар Гавриил Чиряевка аналлаах «Улахан киһи» («Человек с большой буквы») диэн аһаҕас өрөспүүбүлүкэтээҕи хоһоон күрэҕин биллэрилиннэ. Күрэх тэрийээччилэрэ — «Чочу нэһилиэгэ» муниципальнай тэриллии дьаһалтата уонна Г.И. Чиряев түмэлэ.
Күрэххэ кыттыы ирдэбилэ: Г.И.Чиряевка анаан айыллыбыт хоһоон сахалыы эбэтэр нууччалыы тылынан суруллубут буолуон сөп.
Кыттааччылар: 8 — 11 кылаас үөрэнээччилэрэ, 35 сааһыгар диэри эдэр дьон, улахан дьон.
Күрэх түмүгүнэн кыттааччыларга барыларыгар күрэххэ кыттыбытын туоһулуур сэртипикээт туттарыллар. Бөлөҕүнэн 1, 2, 3 миэстэни ылбыттарга диплом уонна өйдөбүнньүк бэлэх туттарыллар. Бастыҥ хоһооннор Г.И.Чиряев түмэлин саайтыгар тахсыахтара уонна инникитин Г.И. Чиряевка аналлаах өрөгөй ырыаҕа тиэкис быһыытынан туттуллуохтара.
Хоһооннору б.дь. ахсынньы 24 күнүгэр диэри Кыадаҥда нэһ. Юбилейнай уул. 7, биитэр электроннай почта: pleshcovamn@mail.ru, admdzp@mail.ru тутабыт.
Өрөспүүбүлүкэ оскуолаларын үөрэнээччилэрин хоһоон күрэҕэр кыттарга ыҥырабыт.
Алтынньы 17-31 күннэригэр Дьокуускай куоракка ыытылла турар “Чайковский Фест. Якутск” бэстибээл төрдүс биэчэрэ “Евгений Онегин”…
Ааспыт нэдиэлэҕэ Өлүөхүмэ улууһун Заречнай нэһилиэгэр оҕо аймах, дьон-сэргэ кэтэспит кэрэ-бэлиэ күнэ буолла. Ол курдук …
Ыраастаммыт, сууйуллубут куобаҕы өлүүлэргэ араартыыбыт, сибиинньэ эбэтэр сылгы этин кытта булкуйабыт. Эттэри чугуун иһиккэ кутабыт.…
Бырабыыталыстыба бэрэссэдээтэлин солбуйааччы Георгий Степанов Дьокуускайга В.П. Решетников аатынан кырдьаҕастар, инбэлииттэр олорор интэринээт-дьиэлэригэр уонна анал…
Дьокуускай куорат Борокуратуурата Арассыыйа ИДьМ “Дьокуускайдааҕы” СУ МУ РФ ХК 159 ыст. 4 ч. көбүппүт…
Кэнники кэмҥэ оҕолор түмсэн оонньообот буоллулар, үксүгэр төлөпүөнүнэн эрэ оонньууллар. Оттон элбэх буолан, сүүрэн-көтөн оонньооһун…