Хаартыска: sakha.gov.ru
Быйыл уһулуччулаах судаарыстыбаннай диэйэтэл, ССКП Саха сиринээҕи обкомун бастакы сэкирэтээрэ, Ленин, Өктөөп өрөбөлүүссүйэтин уонна Үлэ Кыһыл Знамятын икки уордьанын кавалера Гавриил Иосифович Чиряев төрөөбүтэ 100 сыла бэлиэтэнэр.
Үбүлүөйдээх бырагыраама сылы быһа барыаҕа, оттон сүрүн тэрээһиннэр муус устарга – Гавриил Иосифович төрөөбүт күнүн чэрчитинэн былааннаналлар. Ол курдук, Опера уонна балет судаарыстыбаннай тыйаатырыгар уопсастыбаннас мунньаҕын ыытыахтара, Чиряев тулаһатыгар сибэкки ууруохтара, ону тэҥэ, “Сокровищница Республики Саха (Якутия)” быыстапкаҕа алмааска Гавриил Чиряев аатын иҥэрии тэрээһинэ буолуоҕа. Эдэр көрөөччү тыйаатырын түмэлигэр анал тиэмэлээх кылаас чааһын ыытыахтара.
Дьоро тэрээһиннэр Бүлүү улууһугар эмиэ буолуохтара.
Муус устар устата өрөспүүбүлүкэҕэ Чиряев олоҕор уонна айар үлэтигэр аналлаах быыстапкалары тэрийиэхтэрэ.
Кэлэр ыйга Чиряев туһунан документальнай киинэ премьерата, “Гавриил Чиряев: сборник документов и материалов” кинигэ сүрэхтэниитэ, Национальнай бибилэтиэкэҕэ кинигэ быыстапката буолуоҕа.
Ыам ыйыгар – бэс ыйыгар улуустарынан ыччат десана ыытыллыаҕа, оттон бэс ыйыгар хотугу норуоттар устуоруйаларын уонна култууратын судаарыстыбаннай холбоһуктаах түмэлигэр стационарнай быыстапка аһыллыаҕа.
Үбүлүөйдээх ыһыах бэс ыйын 20-21 күннэригэр Бүлүүгэ уонна Күндэ сэлиэнньэтигэр былааннанар.
Тэрээһиннэр балаҕан ыйын 27 күнүгэр Дьокуускай куоракка “Диалог на равных” көрсүһүүнэн түмүктэниэхтэрэ.
Ил Дархан уонна Бырабыыталыстыба пресс-сулууспата.
Өрөспүүбүлүкэ баһыйар үгүс оройуоннарыгар кыралаан хаардыаҕа, соҕуруу сөҥүү түһэрэ күүтүллүбэт. Салгын температурата күнүс -2-7°, соҕуруулуу-арҕаа-4,+1°, …
Саха сиригэр дьоҕус уонна орто биисинэһи мэктиэлээһининэн өйүүргэ саҥа бородуукта үлэлээтэ. Бу туһунан Урбааны сайыннарыы…
Дьокуускайга «Спортивнай» түөлбэҕэ сыл бүтүөр диэри элбэх өҥөнү оҥорор успуорт саалатын тутуута түмүктэниэ. «2021 сылтан…
Дьокуускайга алтынньы 24 күнүгэр Саха сиригэр уонна Арассыыйаҕа Ийэ күнүгэр анаммыт тэрээһиннэри ыытыахтара. Саха сирин…
СӨ Ил Дархана Айсен Николаев уонна «Универсальнай университет» (Universal University) АН үрдүк үөрэх тэрилтэтин дириэктэрэ…
Өрөспүүбүлүкэтээҕи 2 нүөмэрдээх балыыһа-Мэдиссиинэ суһал көмөтүн киинин хирургияҕа мобильнай киинэ Булуҥ улууһун Оройуоннааҕы киин балыыһатыгар…