Хаартыска: t.me/yakutiavseprosvo/10512
Саха сиригэр биллэр уопсастыбанньык, адаптивнай күрэсчит, 1 группалаах инбэлиит, диализтаах уонна уорганнарын көһөртөрбүт ыарыһахтар уопсастыбаларын чилиэнэ Гаврил Чемоханов Москваҕа норуоттар икки ардыларынааҕы кэнгириэскэ кытынна.
Кэнгириэс эчэйиилээх дьону кытары үлэлиир исписэлиистэргэ анаан ВДНХ былаһааккатыгар “Чөлүгэр түһэрии аныгы технологиялара: эчэйиини кыайыы” диэн тиэмэҕэ ыытылынна. Төһө да доруобуйатынан хааччахтаах буоллар, олох-дьаһах бары хайысхатыгар көхтөөхтүк кыттар, успуордунан дьарыктанар Гаврил кыттыбыт тиэмэтинэн ыарыыны утары охсуһар тус устуоруйата буолла.
Кини кэнгириэскэ кыттыытын туһунан видеоҕа уһулан ыытта.
-“Эчэйии кэнниттэн олох” диэн тиэмэҕэ тыл этэн аастым. Хайдах эрэ соһуччу кэлэн кыттыбыппыттан үөрэ санаатым. Дьокуускайга сырыттахпына төлөпүөнүнэн биир билбэт нуучча кыыһым эрийэн: “Былырыын эн Казань куоракка Арассыыйа III трансплант-оонньууларыгар кытта сылдьан, үчүгэй интервьюну биэрбитиҥ, Баһаалыста эн бэйэҥ тус олоххун бу курдук улахан норуоттар икки ардыларынааҕы кэнгириэскэ кэпсиэҥ, сырдатыаҥ дуо?” — диэн соһуппута. Өр толкуйдаабакка, түргэнник хомунан кэлэн хааллым уонна олус долгуйан кэпсээтим. Бэйэм эчэйэн баран уопсастыбанньык, урбаанньыт буоламмын хайдах бэйэбин булбуппун кэпсээтим. Иллэҥ кэммэр киинэҕэ уһулларбын, үҥкүүлүүбүн, ыллыыбын, олохтон барытын ыла сатыыбын диэн сырдаттым. Туохтан да толлубакка олоҕу таптыылларыгар, бииргэ буолалларыгар ыҥырдым. Бу норуоттар икки ардыларынааҕы кэнгириэс байыаннай дьайыы кыттыылаахтарыгар диэн саҕаламмыт эбит. Манна сылдьан байыаннай дьайыы кыттыылаахтарын, ол иһигэр Арассыыйа Дьоруойа Александр Леваковы кытары билистим”, — диэн кэпсээтэ.
Бүгүн Өлүөнэ өрүс хаҥас кытылыгар үөрүүлээх быһыыга-майгыга Өлүөнэ күргэтин бастакы тирэҕэр өйдөбүнньүк бэлиэни туруорар тэрээһин…
2024 сыл от ыйыгар Дьокуускай куорат биир саҥа тутуутугар нус-хас олох тохтообута. Сэттис мэндиэмэҥҥэ олорор…
Хортуоскаттан эрэ буолбакка, атын оҕуруот аһыттан минньигэс, туһалаах пюре оҥоһулларын билэҕит дуо? Бу маннык илдьиритиллибит…
Саха сиринээҕи тырааныспар борокуратуурата сымнаҕас сыттыктаах суудунаны кытары сибээстээх түбэлтэнэн бэрэбиэркэ ыытар. Бүгүн, алтынньы 21…
Алтынньы 20 күнүгэр Куокуй орто оскуолатын дириэктэрэ Петров И.И. биһиги иистэнэр сыахпытыгар соһуччу бэлэхтээх киирэн…
Саха сирин үөрэхтээһинин сүрүннүүр исписэлиистэр уонна парламентарийдар Төрүт сокуоҥҥа үөрэххэ сыһыаннаах көннөрүүлэри өйүүллэрин биллэрдилэр. Кинилэр…