Хаартыска: «Олох суола» хаһыат
Бу күннэргэ Саха сиригэр өрөспүүбүлүкэ Төрүт Сокуонугар уларытыылары киллэриигэ араас таһымҥа киэҥник дьүүллэһии бара турар.
Бүлүү улууһун дьокутааттарын Сэбиэтин бэрэссэдээтэлэ Гаврил Корякин Төрүт Сокуоҥҥа бэйэни салайыныыга сыһыаннаах уларытыылары киллэрии түмүгэр баһылыктар, дьокутааттар куорпустарын эппиэтинэстэрэ өссө үрдүөҕүн, хонтуруол күүһүрүөҕүн, салайар каадырдары кытта үлэ тупсуоҕун бэлиэтээтэ. Бу туһунан «Олох суола» хаһыат суруйар.
Ил Дархан Айсен Николаев эппитинэн, өрөспүүбүлүкэҕэ олохтоох бэйэни салайыныы икки таһыма хаалыахтаах. Кини бырайыагын кытта сөпсөһөбүн – бүгүҥҥү күҥҥэ икки таһым хаалыахтаах. Олохтоох бэйэни салайыныыга саҥа сокуон бырайыагынан дьокутааттар куорпустарын боломуочуйата күүһүрэн биэрэрэ, үлэтэ-хамнаһа, итини сэргэ, уопсастыбыннай хамсааһыннар үлэлэрэ тупсара көстөр. 33-ФЗ №-дээх федеральнай сокуон урукку курдук нэһилиэк, оройуон боломуочуйалара диэн араарбат. Саха Өрөспүүбүлүкэтигэр икки таһымнаах бэйэни салайыныы хааларынан, боломучуйалары аттаран туруорууну болҕомтоҕо ылыахха. Бу сокуон мөлтөх өрүтүнэн боломуочуйалары толорууга үбүлээһинэ суоҕар сытара. Саҥа сокуонтан боломуочуйалары толорууга төһө үп-харчы көрүллэрин, бэриллэрин күүтэбит, ол эбэтэр сүрүн боппуруос боломуочуйа көрүллүүтүгэр уонна үбүлээһинигэр сытар. Ити икки өрүт кыаллар түгэнигэр, бэйэни салайыныыга сыал-сорук туолуо диэн көрөбүн.
Төрүт Сокуоҥҥа уларытыылары киллэрии түмүгэр баһылыктар, дьокутааттар куорпустарын эппиэтинэстэрэ өссө үрдүөҕэ, хонтуруол күүһүрүөҕэ уонна хаадырдары аттаран туруоруу тупсуо.
Николай Куприянов.
Саха сирин олохтоохторугар хомунаалынай өҥө счетчиктарын көрдөрүүлэрин МАХ-ка чат-бот нөҥүө биэрэр кыах үөскээтэ. Бу сыыппара…
“Энэргиэтикэ” хайысхатыгар РФ Судаарыстыбаннай сэбиэтин хамыыһыйатын бастакы мунньаҕар ааспыт сыл түмүгүн таһаардылар уонна 2026 сыллааҕы…
Аҕа дойду Улуу сэриитигэр Ленинград куорат 872 күннээх өстөөх ытарчатын тулуйбута. Бу ытык сир көмүскэлигэр…
Ааспыт сууккаҕа Саха сиригэр буруйу оҥоруу икки түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Саха сирин корнхолга муҥутуур кыайыылааҕа, успуорт үтүөлээх бэтэрээнэ Прокопий Петухов Нам улууһун Хатырык нэһилиэгэр маастар-кылаас…
Булуҥ улууһугар ньиэп бородууктата тохтубутунан СӨ борокуруора Сергей Дябкин сорудаҕынан, оройуоннааҕы борокуратуура туһааннаах исписэлиистэри кытта …