Хаартыска: yakutia.ldpr.ru. саайтан.
ЛДПР Саха сиринээҕи салаатын сүрүннээччи Гаврил Парахин Ил Түмэн дьокутааттарын бөлөҕө Ростов уобалаһыгар оробуочай сырыыларын туһунан санаатын үллэһиннэ.
Дэлэгээссийэ састаабыгар байыаннайдар, байыаннай дьайыы бэтэрээннэрин, патриотическай иитии уонна уопсастыбаннай тэрилтэлэр боппуруостарынан дьарыктанар тустаах кэмитиэт чилиэннэрэ уонна үлэһиттэрэ киирсэн, байыаннай дьайыы зонатыгар тэриллибит өрөспүүбүлүкэ Новоазовскайга уонна Ростовка баар тирэх пууннарыгар сырыттылар.
— Гуманитарнай көмөнү, ол иһигэр аныгы дроннары, байыаннай тэрили, матассыыкыллары, генератордары уонна да атын наадалаах тэриллэри тиксэрдибит. Донецкайга Д.А. Огилец салайар ДНӨ байыаннай дьайыы кыттыылаахтарын өйүүр норуот сэбиэтин кэмитиэтин кытта көрүстүбүт. Мунньах кэмигэр парламеннар икки ардыларынааҕы көдьүүстээх бииргэ үлэлээһин туһунан кэпсэттибит, сокуону оҥорор эйгэҕэ бииргэ үлэлээһин биэс сүрүн хайысхатын: бүддьүөт, экэниэмикэ, социальнай боппуруос, доруобуйа харыстабылын уонна патриотическай үлэни ыытыыны чопчулаатыбыт. Госпитальга сылдьан бааһырбыт биир дойдулаахтарбытын көрүстүбүт. Кинилэр көрдөһүүлэрин өрөспүүбүлүкэ салалтатыгар тиэрдиэхпит уонна хонтуруолга ылыахпыт. Ыччакка анаан патриотизмҥа туһуламмыт бырайыактары олоххо киллэрии былааннанар. Байыаннай дьайыыга сылдьар уолаттарбыт санаалара күүстээх. Биир дойдулаахтарбытынан киэн туттабыт, кинилэргэ бары өттүнэн өйөбүлү оҥоруохпут. Биһиги уолаттарбыт дойдуларыгар кыайыылаах төннүөхтэрэ, — диэн санаатын үллэһиннэ Гаврил Парахин.
Сиһилии yakutia.ldpr.ru. сигэнэн билсиҥ.
Билигин оҕуруот аһын арааһа саамай ситэр, өлгөм үүнүүнү биэрэр кэмэ. Биир элбэх битэмииннээх, олус туһалаах…
Дойду үрдүнэн үп-харчы эйгэтэ устуоруйа саҥа кэрдиис кэмигэр үктэннэ. Ол курдук, сыыппара солкуобайы олоххо киллэрии…
Бүгүҥҥү дьоруойбут – саха аһын-үөлүн дьиҥнээх исписэлииһэ, сөбүлүүр идэтигэр дьиҥнээх профессионализм уонна айымньылаах сыһыан холобура…
Арассыыйа миниатюраларын түмэлигэр «Тымныы полюһа» диэн биллэр Өймөкөөн сэлиэнньэтин макетын оҥорор үлэни түмүктээн эрэллэр. 1:87…
Кэлиҥҥи сылларга саха киинэтэ оҕолорго болҕомтотун уурар буолбута хайҕаллаах дьыала. Бу үүнэр көлүөнэни кэрэҕэ, сырдыкка…
Саха сиригэр «Воздушная переправа» пилота суох таһаҕаһы тиэрдии бырайыагын маршруттарын ахсаана кэлэр сылга 20-ҕэ тиийиэҕэ.…