Хаартыска: Дудкин аатынан сибээс уонна энэргиэтикэ кэллиэһин саайтыттан
Биэс сыллааҕыта, 2018 сыл ыам ыйын 28 күнүгэр, Айсен Николаев Ил Дархан эбээһинэһин толорооччунан анаммыта. Бүгүн Дудкин аатынан сибээс уонна энэргиэтикэ кэллиэһин дириэктэрэ Гаврил Семенов Саха сиригэр биэс устата ыытыллыбыт үлэҕэ санаатын үллэһиннэ:
— Айсен Николаев Ил Дарханынан үлэлиир кэмигэр Саха сиригэр халаан, ойуур баһаардара, коронавирус дьаҥа күүскэ буолуталаатылар. Балар, биллэн турар, эрэгийиэн экэниэмикэтигэр уонна нэһилиэнньэҕэ араас хабааннаах охсууну аҕалбыттара чуолкай. Ол эрээри, Саха сирэ бу тургутууну этэҥҥэ ааста. Аны туран, байыаннай эпэрээссийэ кэмигэр, Ил Дархан уонна Саха сирин бары олохтоохторо биир санаанан салайтаран түмсүүлээх буолан, барыта этэҥҥэ бара турар. Ол туохха көстөрүй? Байыаннай эпэрээссийэҕэ сылдьар байыастарбытыгар нэһилиэнньэ бары өттүнэн сөптөөх көмөнү оҥордо, билигин да ол салгыы ыытыллар.
Кэллиэспит иһинэн информационнай систиэмэ оператордарын үөрэтэр Киин аһыллыбыта. Манна байыаннай эпэрээссийэҕэ уонна өрөспүүбүлүкэ экэниэмикэтигэр көдьүүстээх исписэлиистэри үөрэтэбит. Киин аһыллыаҕыттан 130 исписэлииһи үөрэттибит. Итинтэн 25-һэ байыаннай эпэрээссийэ кыттыылаахтара.
Ил Дархан үөрэхтээһиҥҥэ, чуолаан орто анал үөрэх систиэмэтигэр улахан болҕомтону уурар. Саҥа исписээлинэстэри, саҥа технологиялары баһылааһыҥҥа сөптөөх үлэ барарын өрүү өйүүр.
Орто анал үөрэхтэр кыһаларын саҥардыыга үлэ барар. 2024 сылга диэри 25 орто анал үөрэх кыһатыгар хапытаалынай өрөмүөн ыытыллыаҕа. Ол иһигэр сотору итинник өрөмүөн биһиги кэллиэспитигэр эмиэ барыаҕа. Бу кэллиэскэ хапытаалынай өрөмүөн 1989 сылтан ыытылла илик. Онон кэллиэс кэлэктиибэ Айсен Сергеевичка махтала улахан.
От ыйыгар ГАИ үлэһитин тохтобулга ирдэбилин толорботох иһин ыстараап 12,5 төгүл үрдүөҕэ, ОСАГО полиһа суох…
От ыйын 1 күнүгэр Национальнай бэчээт күнэ бэлиэтэнэр. Бырабыыталыстыба дьиэтигэр сахалыы тыллаах көрдөрөр-иһитиннэрэр сириэстибэлэр үлэһиттэригэр,…
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородуукталарынан мини-пиццалары астыыр ырысыабы кытта үллэстэбит. Пиццалар сыырдаах эбэтэр…