Хаартыска: Сандаара Хабытова тиксэриитэ.
Бэс ыйын 10-11 күннэригэр өрөспүүбүлүкэ бары улуустарыттан 1993 сыллаахха оскуоланы бүтэрбит выпустар көрсөн, 30 сыллаах үбүлүөйдэрин бэлиэтээтилэр. Ол түмүгэр үтүө санаа өрөгөйдөөн, киириигэ хомуллубут үптэн сүүйүүнү дьиэлэрэ умайбыт, инбэлиит аҕалаах ыалга биэрдилэр.
Сүрүн тэрийээччи, кҕөүлээччи — Тааттаттан сылдьар Варвара Максимова былырыын күһүнтэн туспа бөлөх тэрийэн, улуустартан актыбыыстары түмэн, күүстээх бэлэмнэнии үлэтэ ыытыллыбыт.
Уопсайа 17 улуустан 230-ча киһи кэлэн, бэрт сэргэх тэрээһин үрдүк таһымнаахтык буолан ааста. Бары уопсай футболка кэтэн, улуустарынан параадтаан киирэн, “визиткаларын” көрдөрдүлэр, выпуск былааҕын күөрэччи көтөхтүлэр, ырыаны-тойугу, үҥкүүнү-битиини, оонньууну оройуттан туттулар.
Араас куонкурустар, оонньуулар, быыстапка, сыал ытыыга күрэхтэһии буолла. Бу кэнниттэн ретро-дискотекаҕа 90-с сыллардааҕы таҥаһы таҥнан, ол кэмнээҕи муусуканан үҥкүүлээн дуоһуйдулар. Оччотооҕу кэм “Рыболов”, “Молекула”, “Белки-Орешки” оонньууларын оонньоон, оҕо саастарын санаатылар.
— Эдэр, оҕо сааспытын санаан, оччотооҕу ырыаларбытын ыллаан, саҥа доҕоттору кытта билсэн, эт саастыы дьоммутун кытта тэҥҥэ сылдьыбыппытыттан олус астынныбыт.
Супер-бириис оонньоммутугар биһиги кылааспыт уола Гаврил Стручков сүүйэн, үөрүүбүт үксээтэ. Уолбут сүүйүүтүн – 32,5 тыһыынча солкуобайы Марха сэлиэнньэтигэр дьиэлэрэ умайбыт Охлопковтар дьиэ кэргэннэригэр анаата. Сарсыныгар көрсөн, 1993 сыллаах выпускниктар ааттарыттан туттарда. Леонид Охлопков 1-кы группалаах инбэлиит, диализник, икки атаҕа суох. Бу соторутааҕыта саҥа туттубут дьиэлэрэ умайан хаалан, улахан кыһалҕаны көрсүбүттэр. Оттон Гаврил бэйэ дьарыктаах урбаанньыт, Дьокуускайга олорор.
Бу тэрээһиҥҥэ кыайан кэлбэтэх, Уус Алдан улууһун выпускниктарыгар анаан, Суотту “Доҕордоһуу” түмэлигэр үбүлүөйдээх көрсүһүүнү оҥоруохха диэн этии киллэрдибит. Олохпутугар биир үөрүүлээх түгэни бэлэхтээбит тэрийээччилэрбитигэр, актыыпка Суотту оскуолатын выпускниктарын ааттарыттан улахан махталбытын тиэрдэбит, — диэн Сандаара Хабытова кэпсээтэ.
Госдуума дьокутаата Галина Даничкова Ил Дархан Айсен Николаев өрөспүүбүлүкэ Төрүт Сокуонугар этии киллэрбит уларытыылара бүгүҥҥү…
Сорох эрэгийиэннэр кыһыҥҥы кэмҥэ, хойут сырдыыр уонна эрдэ хараҥарар кэмигэр, үлэ күнэ саҕаланар кэмин уларытар…
«Сорок Сороков» быраабы харыстыыр киин успуорка лиигэлэригэр элбэх оҕолоох аҕаларга футбол, хоккей, баскетбол уонна волейбол …
219 №-дээх УБХ быыбардыыр хамыыһыйата иһитиннэрбитинэн, Кэбээйи улууһун Ламыҥха нэһилиэгин баһылыгын болдьоҕун иннинээҕи быыбарыгар 284…
Сорох эми-тому иһэр буоллахха, тырааныспары салайар быраабыттан матарар испииһэк баар буолуон сөп. Испииһэккэ болҕомтону мөлтөтөр,…
MAX мессенджертан 47 мөлүйүөн туһанааччы тус дааннайдара уоруллубутун туһунан сымыйа сурах тарҕанна. Бу туһунан мессенджер…