Хаартыска: sakha.gov.ru
Дойду Бэрэсидьиэнэ Владимир Путин Федеральнай Мунньахха туһаайан этиитигэр Арассыыйа култуурунай нэһилиэстибэтин эбийиэктэрин харыстааһыҥҥа уһун болдьохтоох бырагырааматын оҥоһулларын туһунан иһитиннэрбитэ.
— Бу Саха сиригэр устуоруйа уонна култуура пааматынньыктарын чөлүгэр түһэрэр былааны олоххо киллэрии тэтимин күһүүрдэллэригэр сорук туруорар. Өрөспүүбүлүкэ бу бырагыраамаҕа кыттыаҕа, – диэн Култуура нэһилиэстибэтин эбийиэктэрин харыстааһыҥҥа Департаменын салайааччы э.т. Гаврил Терентьев иһитиннэрдэ.
— Дойду Бэрэсидьиэнэ Владимир Путин Анал этиитигэр дойду култуурунай нэһилиэстибэтин эбийиэктэрин харыстааһын уһун болдьохтоох бырагырааматын олоххо киллэрии туһунан этиитин үөрэ иһиттим. Күн бүгүнүгэр диэри ити хайысхаҕа биир кэлим бырагыраама суох этэ. Биһиги итиннэ хайаан да кыттыахпыт. Саха сиригэр Айсен Николаев «Пааматынньыктары оннунан хаалларыы» диэн бырайыагы көҕүлээбитэ. Таатта улууһун Чөркөөҕөр эрэгийиэннээҕи суолталаах култуурунай нэһилиэстибэ эбийиэгэ чөлүгэр түһэриллибитэ. Ол иннинэ Саха сиригэр 13 сыл устатыгар устуоруйа уонна култуура суолталаах биир да пааматынньык чөлүгэр түһэриллибэтэҕэ. Көҕүлээһини Саха сирин олохтоохторо бары өйөөбүттэрэ. 2019 сылтан бэйэлэрин үптэринэн-харчыларынан араас оройуоннарынан устуоруйа уонна култуура нэһилиэстибэтин барыта 45 пааматынньыга чөлүгэр түһэриллибитэ. Бырайыагы олоххо киллэрии салҕанар, — диэтэ Гаврил Терентьев.
СӨ Ил Дарханын уонна Бырабыыталыстыбатын пресс- сулууспата
Бу күннэргэ күн-дьыл туруга хайдаҕый? Өрөспүүбүлүкэ арҕаа, соҕуруу диэки өттүгэр сорох сирдэринэн балачча хаардыа, сорох…
Бу нэдиэлэ уратылаах: саҕаланыыта Скорпион бэлиэтин дириҥ уонна чинчийэр энергиятынан салайтарар, оттон иккис аҥаара Стрелец…
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…