Хаартыска sakha.gov.ru ылылынна
Ил Дархан Айсен Николаев Ленскэй оройуонугар оробуочай сырыытын кэмигэр Мууруйа гааһы тарҕатар ыстаансыйаттан Бэчинчэ бөһүөлэгэр диэри гаас ситимин турбатын ыпсыытын холбуурга сыбааркалыырга бастаан хамаанданы биэрдэ.
Өрөспүүбүлүкэҕэ күүскэ ыытыллар социальнай гаастааһын уонна ньиэп-гаас хостооһунун сайыннарыы тэтимнээхтик барыыта былаас уорганнарын чопчу сыаллаах үлэлэрэ буолар. Маннык санааны Ленскэй кулуубугар ОДьКХ боппуруостарыгар эксперт, бүтүн Арассыыйатааҕы норуот фронун киин ыстаабын чилиэнэ Светлана Калинина интервьютугар этэр.
Гаас ситимин бу утаҕа үс нэһилиэнньэлээх пууну хааччыйар. Уһуна 36 км-н тахса буолуоҕа. Социальнай гаастааһын бырагырааматын дуогабарын Ил Дархан Айсен Николаев уонна «Газпром» баһылыга Алексей Миллер түһэрсибиттэрэ.
«Бастатан туран, ити коммуникацияны уурууга сир боппуруостарын түргэнник быһаарарга кыаҕы биэрэр. Иккиһинэн, бюрократическай хааччахтары, ол иһигэр араас хамыыһыйалар кыттыылаах бюрократическай харгыстары быһаарыыны түргэтэтии буолар. Бырассыас тэтимэ түргэтээн бириэмэни кэмчилээһин итиэннэ үбү-харчыны кэмчилээһин барар», – диэн этэр Светлана Калинина.
Билигин Саха сиригэр «гаастааһын көмүс үйэтэ» үүннэ. Өрөспүүбүлүкэ судаарыстыбаннай бырагырааманы олоххо киллэриигэ Уһук Илин уокуругар бастакы уонна дойдуга бэһис миэстэни ылбыта. Ааспыт сылга гааһы тардыыга саамай үрдүк көрдөрүүнү ситиспитэ: 2021 сыллааҕар турбаны ууруу тэтимэ 25 төгүл улааппыта. 336 км ситим тардыллан өрөспүүбүлүкэни гаастааһын 55 сыллаах историятыгар рекорду ситиспитэ.
Сиһилии бу сигэнэн киирэн ааҕыҥ: https://lenclub.ru/materials/
Бүгүн, тохсунньу 5 күнүгэр, Орто Халыма улууһугар оҕолор олорсон испит массыыналара сүппүтүн туһунан СӨ Быыһыыр…
Ааспыт сууккаҕа Саха сиригэр сэттэ буруйу оҥоруу буолбутун туһунан СӨ борокуратуурата иһитиннэрэр. Дьокуускайга 53 саастаах…
Хойуу туманнаах тымныы киһи доруобуйатыгар хайдах дьайарый? 40 кыраадыс тымныыттан саҕалаан, дьон тоҕуоруһан олорор нэһилиэнньэлээх…
Ньурба хорсун саллаатыгар Туора сир халлаанын анныгар Уот сэрии хонуутун быыһыгар Соҕотох хорсуннук кииристиҥ Өстөөхтүүн…
Тохсунньу 3 күнүгэр Решетников аатынан өрөспүүбүлүкэтээҕи кырдьаҕастар уонна инбэлииттэр интэринээт-дьиэлэриттэн эр киһи өлүгүн булбуттар. Барыллаан…
Бүгүн, тохсунньу 5 күнүгэр, Саха сирин сорох улуустарыгар -17 кыраадыс буолара күүтүллэр диэн УГМС иһитиннэрэр.…