Хаартыска: Геленджик аэропордун официальнай саайта.
2022 сыл олунньу бүтүүтүттэн сабыллан турбут Геленджик аэропорда сотору дойду иһинээҕи рейстэргэ аһыллыаҕа, диэн РФ Тырааныспарга министиэристибэтэ от ыйын 9 күнүгэр иһитиннэрдэ.
Геленджик аэропордугар куттала суох көтөр кыах баарын Росавиация уонна ОрВД корпорациятын исписэлиистэрэ бигэргэттилэр, диэн биэдэмистибэ бэлиэтиир. Оборуона министиэристибэтэ Геленджик аэропорда аһылларын утарбат диэн «Ведомости» хаһыат суруйар.
Тырааныспар министиэристибэтэ санатарынан, курорка саҥа аэропорт терминала 2021 сыллаахха тутуллан, аэропорт кыамтатын икки төгүл улааппыта. 2021 сыллааҕы үлэтин түмүгүнэн, аэропорт 1,04 мөлүйүөн пассажиры хааччыйбыт, бу 2020 сыллааҕар 2 төгүлүнэн элбэх. Ол сылга саамай элбэх көтүүнү S7, “Ютэйр” уонна “Аэрофлот” оҥорбуттар эбит.
Билигин Москваттан Геленджикка бастакынан “Аэрофлот” көтөр буолуоҕа, диэн хампаанньа иһитиннэрэр. Рейстэри «Airbus A320» сөмөлүөттэр толоруохтара. Билиэт атыыта от ыйын 9 күнүгэр саҕаланна. Бастакы рейс от ыйын 18 күнүгэр, оттон салгыы от ыйын 20 уонна 23 күннэригэр буолуохтара, оттон от ыйын 25 күнүттэн күннэтэ көтүөхтэрэ. Иккис рейс атырдьах ыйын 6 күнүгэр эбиллиэҕэ, итиэннэ 8-с чыыһылаттан балаҕан ыйын ортотугар диэри күн аайы көтүөҕэ, диэн авиахампаанньа иһитиннэрэр.
Оттон S7 балаһыанньаны үөрэтэн көрөр.
Ил Дархан Айсен Николаев "Өлбөт үйэлээх полк" Арассыыйатааҕы хамсааһын исполкомун салайааччы Наталья Шадринаны кытта көрүстэ.…
Сыл аайы Бэрдьигэстээххэ түөлбэлэр сибэккинэн киэркэйэн тураллара дьон хараҕын сымнатар, кэрэни кэрэхсэтэр, санааны астыннарар. [gallery…
"Национальнай рейтинг" бырайыак иитинэн "Рейтинг" информационнай коммуникациялар кииннэрэ Арассыыйа Федерациятын субъектарын баһылыктарын үлэлэрин сыаналааһыҥҥа анаммыт…
Нам улууһун Аппааны нэһилиэгэр 27 саастаах эр киһини түүн дьиэтигэр киирэн кырбаабыттар уонна көмпүүтэрин былдьаан…
Этнокултуурунай сайдыыга уонна Арассыыйа норуоттарын сомоҕолоһуутун бөҕөргөтүүгэ кылаат иһин "Гордость Нации" диэн Бүтүн Арассыыйатааҕы уопсастыбаннай…
Балаҕан ыйын 1 күнүттэн биэлсэрдэр уонна акушеркалар терапевы, оҕо бырааһын уонна гинекологы солбуйаллара көҥүллэнэр диэн…