Генеральнай дириэктэр дьыалатын хаттаан көрүүгэ ыыппыттар

Уопсастыба генеральнай дириэктэр “СӨ массыына суолун управлениета” тэрилтэ урукку салайааччытыгар  тиксиһиннэрээччи нөҥүө улахан кээмэйдээх бэриги биэрбитин суут быһаарбыт.

Бастакы уонна апелляционнай инстация суута тустаах киһи буруйу оҥорууну арыйыыга, силиэстийэлээһиҥҥэ көхтөөхтүк көмөлөспүтүнэн, бэйэтэ билинэр сайабылыанньа суруйбутунан бигэргэтэн, улаханнык кэмсинэринэн сибээстээн сууттанааччы холуобунай дьыалатын тохтотор туһунан быһаарыы ылыллыбыта.

Судаарыстыбаннай буруйдааччы бу түмүгү кытта сөпсөспөтөх. Кассационнай инстанция суута борокуратуура көрүүтүн өйөөн, сокуон өйдөбүлүнэн, быраабы араҥаччылыыр уорганнар буруй оҥоһуллубутун, буруйу оҥорбут киһи биллэр итиэннэ ол киһи бэйэтэ билэр, ол да буоллар бэйэтэ кыттыгастааҕын этиитэ, бу киһи маныаха баҕа өттүнэн билиниитэ буолбатаҕын итиэннэ бэйэтэ кэлэн билиммитин буруйу оҥорууга кыттыгастааҕар кыһалҕаттан билинии курдук көрөр ирдэнэр диэн бэлиэтээбит.

Дьыалаҕа быһаарыллыбытынан, уопсастыба генеральнай дириэктэрэ бэрик биэрбитин туһунан бэйэтин хамсаныыларын туһунан тутуллубут кэмигэр иһитиннэрбит, онон сибээстээн кини билиниитэ кыһалҕаттан оҥоһуллубут.

Онон сибээстээн, сууттар быһаарыылара көтүрүллүбүт, дьыала атын састааптаах бастакы инстанция суутун хаттаан көрүүтүгэр ыытыллыбыт. Бу туһунан СӨ борокуратууратын телеграм-ханаалыгар суруйаллар.