Геннадий Федоров кэриэһигэр «Ырыа түмэн» ырыа куонкуруһа буолуоҕа

Быйыл, кулун тутар 22 күнүгэр, Нам улууһугар И.Е.Винокуров аатынан Намнааҕы педагогическай кэллиэс көҕүлээһининэн, музыкальнай салайааччы, талааннаах ырыаһыт Геннадий Федоров сырдык кэриэһигэр «Ырыа түмэн» диэн ырыа куонкуруһа ыытыллар.

Бу туһунан Геннадий Федоров кэргэнэ Татьяна Федорова санаатын үллэһиннэ:

— Кэргэним, аҕабыт Геннадий Константинович сырдык аатын үйэтитэр сыаллаах үлэлээбит тэрилтэтэ Намнааҕы педагогическай кэллиэс кэллэктиибэ көҕүлээн, быйыл ырыа куонкуруһа ыытыллар буолла. Манна өрөспүүбүлүкэ орто анал үөрэҕин устудьуоннара кыттыыны ылыахтара.  Сайаапкалары хомуйуу кулун тутар 18 күнүттэн саҕаланыаҕа.

Түгэнинэн туһанан, бу куонкуруһу тэрийээри үлэлии-хамсыы сылдьар Намнааҕы педагогическай кэллиэс үлэһиттэригэр, дьоммор-сэргэбэр махталбын тиэрдэбин.