Хаартыска: Людмила Попова.
Бүгүн Саха сирин норуотун учуутала, РСФСР, Саха АССР үтүөлээх учуутала Николай Иванович Афанасьев аатынан, СӨ Ил Дарханын уонна Бырабыыталыстыбатын дьаһалтатын салайааччытын кыраайы үөрэтиигэ бириэмийэтин туттарыы үөрүүлээх тэрээһинэ буолла. Улахан бириэмийэни тутар дьолун Амма лиссиэйин географияҕа учуутала Алена Быстрова биллэ.
Тустаах бириэмийэни төрөөбүт кыраайы үөрэтиини, чөл хаалларыыны кытта сибээстээх үлэлээх, кыраайы үөрэтиигэ уонна экология култууратын олохсутууга үтүөлээх, ситиһиилээх, үүнэр көлүөнэни патриотическай тыыҥҥа иитиигэ туһаайыллыбыт үлэлээх үөрэх систиэмэтин үлэһиттэригэр туттарыллар.
Ил Дархан уонна Бырабыыталыстыба дьаһалтатын салайааччыта Георгий Михайлов кыайыылаахтары эҕэрдэлээн туран: “Төрөөбүт дойдутун таптыыр киһи, маҥнай төрөөбүт сирин таптыыр. Биһиги учууталларбыт ыытар үлэлэрэ тугунан даҕаны кэмнэммэт сүҥкэн улахан. Бу биһиги туттарар кыра бириэмийэбит патриотическай тыыны иитиигэ кылаатынан буоларыгар эрэнэбин”, – диэн эттэ.
Бириэмийэ куонкуруһун кыайыылааҕа, 31 сыл география учууталынан үлэлиир Алена Быстрова: “География универсальнай биридимиэт. Онон география учуутала оҕону үөрэтэрин таһынан иитиинэн дьарыктанар. Күрэс балаһыанньата тахсыбытыгар кыттыахпын сөп эбит диэн түмүккэ кэлбитим. Өрөспүүбүлүкэ үрдүнэн таһаарыылаахтык үлэлиир биир идэлээхтэрим элбэхтэр. Онон уһулуччулаах педагог, чинчийээччи-учуутал Н.И. Афанасьев аатынан бириэмийэҕэ кыайбыппын истэн баран соһуйдум, үөрдүм”, — диэн санаатын үллэстэр.
Күрэһи тэрийии үлэтин “Нуучча географическай уопсастыбата” Бүтүн Арассыыйатааҕы уопсастыбаннай тэрилтэ Саха сиринээҕи салаата ыытар.
Ыспыраапка:
Н.И. Афанасьев уопсай педагогическай ыстааһа 51 сыл, итинтэн 46 сыл Бүлүү улууһун Бороҕон орто оскуолатыгар дириэктэринэн үлэлээбитэ. Кини кырааматынай салайыытын түмүгэр, үөрэх кыһата өрөспүүбүлүкэҕэ агро хайысхалаах бастыҥ оскуолалартан биирдэстэринэн буолары ситиспитэ, “Арассыыйаҕа сыл оскуолата” ааты үс төгүл ылбыта. Николай Иванович оскуола аттынааҕы учаастагы уонна кыраайы үөрэтэр түмэли тэрийиини көҕүлээччилэртэн биирдэстэринэн буолар. 96 саастаах Саха сирин норуотун учуутала күн бүгүн дьоппуон уонна аангылыйа тылларынан судургутук кэпсэтэр.
Николай Иванович эдэр педагогтарга өрүү бэйэҕитин сайыннарыҥ, бэйэҕитин кэтээн, үлэҕитин анаалыстаан көрүнүҥ, манна олоҕуран түмүктэ оҥостуҥ уонна суолталаах сыалы-соругу туруорунуҥ диэн сүбэлиир.
Санатан эттэххэ, Н.И. Афанасьев аатынан бириэмийэ 2022 сыллаахха олохтоммута. Былырыын өрөспүүбүлүкэ 11 улууһуттан уонна Дьокуускай куораттан, уопсайа, 30 педагог сайаапкатын ыыппыта. Бу сүрүннээн устуоруйа, география, обществознание биридимиэтин учууталлара буолаллар. Лауреатынан Нерюнгри куорат 1-кы нүөмэрдээх гимназиятын географияҕа учуутала Марианна Товиевна Кушнир ааттаммыта.
Бэҕэһээ, алтынньы 23 күнүгэр, 14:28 ч. Баһаарынай-быыһыыр сулууспаҕа Үөһээ Бүлүү улууһун киинигэр чааһынай гарааска умайыы…
Бэҕэһээ 2-с Наахара нэһилиэгин Балыктаах күөлүгэр үгэскэ кубулуйбут улуус оскуолаларын үөрэнээччилэрин төрүт дьарыкка уһуйар муҥха тэрилиннэ.…
Сэтинньитээҕи бырааһынньыгынан сибээстээн, Социальнай пуонда кыраапыгынан ый саҥатыгар түһэр оҕо босуобуйатын, болдьоҕун иннинэ ыытыаҕа. Ол…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Хой Хой бэлиэлээхтэргэ тус дьоҕуру сайыннарыыга табыгастаах нэдиэлэ үүммүт. Барыы-кэлии, соһуччу көрсүһүү, билсиһии күүтэр. Бу…
Өрөспүүбүлүкэ баһыйар үгүс оройуоннарыгар кыралаан хаардыаҕа, соҕуруу сөҥүү түһэрэ күүтүллүбэт. Салгын температурата күнүс -2-7°, соҕуруулуу-арҕаа-4,+1°, …