Салгыы
Георгий Бессонов Майаҕатта Бэрт Хараны оонньуоҕа

Георгий Бессонов Майаҕатта Бэрт Хараны оонньуоҕа

10.12.2024, 17:06
Хаартыска: САССР 100 сыла
Бөлөххө киир:

Ахсынньы 18-19 күннэригэр Матрена, Алексей Павловтар салайааччылаах Үүнэр көлүөнэ судаарыстыбаннай тыйаатырыгар үһүйээннэргэ үгүс үйэлэр тухары кэпсэммит саха боотура Майаҕатта Бэрт Хара туһунан испэктээкил сүрэхтэнэр.

«Майаҕатта Бэрт Хара» диэн Анатолий Кириллин-Дьолу Куус номохторго олоҕуран суруйбут бастакы пьесата. Урукку дьыллар улаҕалаах уорҕаларыгар улахан киһиттэн ойуччу улаатан көстөр, муҥур тиит курдук баараҕай көрүҥнээх, хастаабыт харыйа мас курдук харылаах, тиэйиилээх оту санатар кэтит киппэ көҕүстээх, икки былас дарайар сарыннаах, үс былас үрдүк үөкэҕэр өттүктээх, бэйэтигэр тэҥнээх боотуру көрсүбэтэх, үгүөрү күүстээх, сымса илиилээх, быһый атахтаах, түнэ таҥастаах Майаҕатта Бэрт Хара диэн бөҕөс киһи үөскээн-төрөөн олорбута үһү…

Тоҕус сааһыгар диэри сымара таас курдук сыппыт, обургу буолуор диэри киил мас курдук кыайан хаампатах уол атаҕар хайдах турбутун, уостан түспэккэ суон сураҕырбытын, бэл диэтэр, Тыгын Дархан маанылаах кыыһын кэргэн ылбытын туһунан тыйаатырга кэлэн көрүҥ, кэрэхсээҥ.

Майаҕатта Бэрт Хара оруолун СӨ култууратын туйгуна Георгий Бессонов толорор. Испэктээкили СӨ ускуустубатын үтүөлээх диэйэтэлэ Александр Титигиров туруорда. Сценографиятын уонна көстүүмнэрин СӨ култууратын туйгуна Егор Аммосов оҥордо. 

+1
2
+1
0
+1
1
+1
1
+1
0
+1
0
+1
0
Бары сонуннар
Салгыы
12 февраля
  • -39°C
  • Ощущается: -39°Влажность: 67% Скорость ветра: 0 м/с

Сообщить об опечатке

Текст, который будет отправлен нашим редакторам: