Георгий Куркутов уопсастыбанньыктарга, урбаанньыттарга махтанна

Бүгүн, бэс ыйын 13 күнүгэр, Дьокуускайга Биир кэлим координационнай киин Саха сиринээҕи ыстаабын салайааччыта Георгий Куркутов байыаннай дьайыыга күүс-көмө буолбут уопсастыбанныктарга уонна урбаанньыттарга махтанна:

— Бастатан туран, Арассыыйа күнүнэн эҕэрдэлиибин уонна, түгэнинэн туһанан,  «Неси свою лепту в Победу» диэн аахсыйаны биллэрэбит. Бу аахсыйаҕа ким баҕалаах байыаннай дьайыыга сылдьар байыастарбытыгар харчынан уонна пилота сурх көтөр аппараатынан көмө оҥорор туһунан иһитиннэрэбин. Сайаапка бөҕө киирэр, ол курдук уопсайа 1054 сайаапка киирбитэ. Онон түмсүүлээх буолуоҕуҥ, — диэтэ уонна байыаннай дьайыыга күн бүгүнүгэр диэри күүс-көмө буола сылдьар урбаанньыттарга, уопсастыбанньыктарга махтал суруктары туттартаата.