Саха сирин баһылыгын уонна бырабыыталыстыбатын дьаһалтатын салайааччы Георгий Михайлов “Саха-Питер волонтердара” уопсастыбаннай хамсааһын лиидэрэ Евдокия Ноевалыын уонна Дойду буойуннарын дьиэ кэргэттэрин кэмитиэтин эрэгийиэннээҕи отделениетын салайааччы Светлана Диодорова-Лаврентьевалыын көрүстэ.
— «Саха-Питер волонтердара” хамсааһын бары кыттыылаахтарын байыаннай госпиталларга үлэлэрин иһин махтанабын. Байыаннай сулууспалаахтарга эһиги көмөҕүт тугунан да сыаналаммат уонна билиҥҥи кэмҥэ байыастарбытыгар ордук наадалаах”, —— диэтэ Георгий Михайлов.
Евдокия Ноева Санкт-Петербурга өрөспүүбүлүкэ Бастайааннай бэрэстэбиитэлистибэтин иһинэн актыбыыстар бөлөхтөрө хайдах тэриллибитин туһунан кэпсээтэ.
Кини кэпсээбитинэн, уопсастыбаннай хамсааһыҥҥа билигин 20 киһи, ол иһигэр, Санкт-Петербург уонна Саха сирин араас улуустарын олохтоохторо, бааллар. Кинилэр балаҕан ыйыттан байыаннай госпиталларга бааһырбыт байыастары көрөллөр-истэллэр. Ону таһынан кинилэри арыаллыыллар, чугас дьоннорун кытары сибээс олохтуулларыгар көмөлөһөллөр.
Волонтердар Саха сиригэр оҥоһуллар бородууктаттан дьиэтээҕи аһылыгы астыыллар, анал таҥастары тигэллэр, наадалаахтарын ылалларыгар көмөлөһөллөр.
Байыастар эмтэнэр госпиталларын таһыгар чугас сиргэ кинилэр аймахтарыгар быстах олорор дьиэни булуу, үтүөрбүт сулууспалаахтарга экскурсиялары тэрийии эмиэ волонтердар баҕа өттүнэн үлэлэригэр киирсэр.
Уопсастыбанньыктар Саха сирин Бастайааннай бэрэстэбиитэлистибэтин, Дойду буойуннарын дьиэ кэргэттэрин кэмитиэтин эрэгийиэннээҕи отделениетын кытары хардарыта бииргэ үлэлээн, юридическай боппуруостары быһаарарга, ол иһигэр сүппүт докумуоннарын сөргүтэргэ, көмөлөһөллөр.
Мария ВАСИЛЬЕВА түһэриитэ
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…