Георгий Окороков АХШ бөҕөһүн кытта киирсиэҕэ

Олимпиадаҕа тустууга бүтэһик күн иннинээҕи киирсиигэ 65 уонна 97 кг ыйааһыннаахтар күөн көрсүөхтэрэ. 

Кинилэр кэккэлэригэр биир дойдулаахпыт, Океания икки төгүллээх чөмпүйүөнэ Георгий Окороков баар.

Амматтан төрүттээх бөҕөспүт утары Пуэрто-Рикоттан кыттар АХШ төрүттээх, былырыыҥҥы аан дойду вице-чөмпүйүөнэ, Панамериканскай чөмпүйэнээт икки төгүллээх призера Себастьян Ривера киириэҕэ.