Хаартыска sakha.gov.ru ылылынна
Саха сирин Ил Дархана Айсен Николаев 2023 сыл алтынньы 23 күнүнээҕи “Байыаннай эпэрээссийэ кэмигэр байыаннай дьайыы кыттыылаахтарын уонна кинилэр дьиэ кэргэттэрин өйүүр миэрэлэр тустарынан” 80 №-дээх Ыйааҕар олоҕуран, министиэристибэлэр уонна биэдэмистибэлэр көрүллэр миэрэлэри олоххо киллэрии бэрээдэгэр уларытыылары киллэриигэ үлэлэрин салгыыллар.
Бу туһунан бүгүҥҥү брифиҥҥэ өрөспүүбүлүкэ Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ.
”Бүгүн Култуура уонна дуохуобунай сайдыы министиэристибэтэ бу дьиэ кэргэттэр култуура тэрилтэлэригэр сылдьыыларын бэрээдэгин бигэргэттэ. Маны сэргэ, Бырабыыталыстыба 5 уонна онтон элбэх сааһын ситэ илик оҕолордоох ыаллары олорор дьиэнэн хааччыйыыны олоххо киллэриигэ быраабылаҕа уларытыылары ылынна – аны, байыаннай дьайыы кыттыылаахтарын оҕолоругар сааһынан ирдэбил суох буолуоҕа. Оттон олорор дьиэнэн хааччыллар бырааптаах атын дьиэ кэргэттэргэ элбэх оҕолоох ыаллар чилиэннэригэр саастарын ситэ илик оҕолор киирэллэр”, – диэн чопчулаата Георгий Степанов.
Маннык ирдэбил тулаайах уонна төрөппүт көрүүтэ-истиитэ суох хаалбыт категорияларга киирсэр, байыаннай дьайыы кыттыылаахтарын олорор сири (помещениены) ылыыга эбэтэр тутууга төлөбүрү биэрии бэрээдэгэр оҕо сааһыгар ирдэбил суох оҥоһулунна.
Сэтинньи 10 күнүнээҕи туругунан, өрөспүүбүлүкэҕэ 65 дьиэ кэргэҥҥэ олорор дьиэлэрин гаастааһыҥҥа материальнай көмө оҥоһулунна, дьиэ кэргэттэрин 195 чилиэнэ байыаннай сулууспалаах эмтэнэ барар миэстэтигэр айанныырга көмөнү ылла, байыаннай дьайыы 369 кыттыылааҕа уонна дьиэ кэргэттэрин 615 чилиэнэ доруобуйа уонна социальнай хааччыйыы тэрилтэлэригэр чөлүгэр түһүүнү ааста. 161 төрөппүт санаторийга эмтэннэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…