Сахагов хаартыската
Саха сирин Бырабыыталыстыбатын Бэрэссэдээтэлин солбуйааччы Георгий Степанов алтынньы 16 күнүнээҕи брифиҥҥэ РФ уурааҕар олоҕуран, байыаннай дьайыы кыттыылаахтарын үлэҕэ ылбыт тэрилтэлэр судаарыстыба субсидиятын ылыахтара диэн иһитиннэрдэ.
“Бу субсидияны үлэни биэрээччилэргэ Арассыыйа Федерациятын Социальнай пуондата көрөр. Өрөспүүбүлүкэ үлэни биэрээччилэрин байыаннай дьайыы кыттыылаахтарын үлэҕэ ылыыга көхтөөхтүк кытталларыгар ыҥырабын”, — диэтэ Георгий Степанов.
Вице-премьер Саха сиригэр байыаннай дьайыы кыттыылаахтарыгар уонна кинилэр дьиэ кэргэттэрин чилиэннэригэр социальнай өйөбүл тиһиктээхтик оҥоһулларын бэлиэтээтэ. Ол курдук, 52 ыалга кэтэх дьиэлэрин гаастааһыҥҥа көмөлөстүлэр. 134 байыаннай слууспалаах төрөппүттэрэ сонотуоруйга-куруорка сынньаннылар, 177 дьиэ кэргэн чилиэнэ байыаннай сулууспалаах эмтэнэр сиригэр барыыга материальнай көмөнү ыллылар.
Өрөспүүбүлүкэ доруобуйа харыстабылын уонна социальнай хааччыйыыга тэрилтэлэригэр чөлүгэр түһэрэр тэрээһиннэр салҕаналлар. Байыаннай дьайыы 328 кыттыылааҕа уонна дьиэ кэргэн 591 чилиэнэ чөлүгэр түһэрии бу көрүҥүн ааста.
Өйөбүл сүрүн көрүҥнэриттэн биирдэстэринэн бу дьайыы кыттыылаахтарын уонна кинилэр дьиэ кэргэттэрин үлэҕэ ылыы буолар.
Нэһилиэнньэ дьарыктаах буолуутун киинигэр 217 киһи үлэ көрдөөн сырытта, кинилэртэн 65 анал дьайыы кыттыылааҕа уонна 152 – дьиэ кэргэттэрин чилиэнэ. Ол түмүгэр 66 киһини идэҕэ үөрэттэрэ ыыттылар, 114 киһи үлэҕэ ылылынна.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…