Хаартыска sakha.gov.ru ылылынна
Георгий Степанов байыаннай дьайыы кыттыылаахтарыгар уонна кинилэр дьиэ кэргэттэригэр Ил Дархан Айсен Николаев сорудаҕынан ыытыллар өйөбүл миэрэлэр тустарынан кэпсээтэ.
—Бүгүҥҥү күн туругунанбайыаннай сулууспалаахтар төрөппүттэрэ — 59 киһи санаторнай-курортнай эмтэниигэ көмөнөн туһанна. Оттон 113 киһи (чугас дьонноро) байыас эмтэнэр сиригэр тиийэргэ материальнай көмөнү ыллылар. Дьоҥҥо биир саамай наадалаах өйөбүлүнэн дьиэлэрин гастааһын боппуруоһа буолар. Манан 37 ыал туһанна, — диир брифиҥҥэ СӨ Бырабыыталыстыбатын бэрэссэдээтэлин солбуйааччы Георгий Степанов.
Вице-премьер байыаннай дьайыы кыттыылааҕын оҕотугар өйөбүл миэрэлэр тустарынан боппуруоска тохтоото. Кини оҕолор доруобуйаларын чэбдигирдэр лааҕырдарга 1 811 оҕоҕо босхо путевка бэриллибит. «Өйөбүл бу миэрэтэ бүгүҥҥү күҥҥэ ордук суолталанан турар«, — диэн бэлиэтиир кини. Маны сэргэ, 1 387 кырачаан оҕо саадыгар төлөбүртэн, бэһистэн уон биирис кылааска диэри үөрэнэр 1 232 оҕо ааспыт үөрэх дьылыгар оскуолаҕа босхо аһылыгынан хааччыллыбыттар.
Билигин орто анал уонна үрдүк үөрэх кыһаларыгар туттарсан киирии хампаанньата бара турарынан бу боппуруоһу эмиэ сырдатта. Ол курдук, байыаннай дьайыы кыттыылааҕын оҕотун кытта тус сыаллаах үрдүк уонна орто анал үөрэхтэргэ өрөспүүбүлүкэ бүддьүөтүн суотугар үөрэнэргэ 125 дуогабар түһэрсиллибит.
Сиһилии манна https://www.sakha.gov.ru/news/front/view/id/3363325 ааҕыҥ.
СӨ Ил Дарханын уонна Бырабыыталыстыбатын пресс-сулууспата
Электронаай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…
Өҥүрүк куйаас сатыылаан турдаҕына сарсыардаттан куорат тэрилтэлэрин кэрийэн, ыдьырыйа сылайдарбын даҕаны, син наадабын ситэн, дэриэбинэҕэ…