Георгий Степанов:  гаас киирэригэр харчынан көмө оҥоһулунна

Өрөспүүбүлүкэҕэ байыаннай дьайыы кыттыылаахтарыгар уонна кинилэр дьиэ кэргэттэригэр көмөнү оҥоруу миэрэлэрэ салҕаналлар.

СӨ Бырабыыталыстыбатын Бэрэссэдээтэлин солбуйааччы э.т. Георгий Степанов алтынньы 2  күнүгэр брифиҥҥэ бу туһунан иһитиннэрдэ.

«Бүгүҥҥү күҥҥэ 49  байыас дьиэ кэргэнигэр дьиэлэригэр гаас киирэригэр харчынан көмө оҥоһулунна, 121 байыаннай сулууспалаах төрөппүтэ санаторийга, курортка эмтэннилэр, сынньаннылар. Биир саамай ирдэнэр өйөбүл миэрэнэн, байыаннай сулууспалаахтар уонна кинилэр дьиэ кэргэттэрэ мэдиссиинэ уонна социальнай өртүнэн чөлгө түһэриигэ наадыйыылара буолар. Бүгүн итинник көмөнөн 312 байыас уонна 565 кинилэр дьиэ кэргэттэрэ туһаннылар», — диэн этэр Георгий Степанов.

Сиһилии https://www.sakha.gov.ru/news/front/view/id/3372505 манна ааҕыҥ.

СӨ Ил Дарханын уонна Бырабыыталыстыбатын пресс-сулууспата