Георгий Степанов Кырдьаҕастар интэринээт-дьиэлэригэр сырытта

Бырабыыталыстыба бэрэссэдээтэлин солбуйааччы Георгий Степанов Дьокуускайга В.П. Решетников аатынан кырдьаҕастар, инбэлииттэр олорор интэринээт-дьиэлэригэр уонна анал социальнай хааччыйыы дьиэтигэр сырытта.

Бу дьыалабыай сырыытыгар кини усулуобуйаны кытта билистэ, бу тэрилтэлэр сайдар былааннарын, кыһалҕаларын, араас боппуруостары быһаарыстылар.

В.П. Решетников аатынан интэринээт-дьиэҕэ «Дьиэ кэргэн» национальнай бырайыак чэрчитинэн, Арассыыйа үлэҕэ, социальнай сайдыыга министиэристибэтин өйөбүлүнэн, 200 миэстэлээх иккис олорор куорпус тутулла турар. Бу тутуу 2027 сылга бүтэн, үлэҕэ киирэрэ былааннанар.

Быйыл анал социальнай хааччыйыы дьиэтин кырыыһатыгар уонна  ас астыыр блокка өрөмүөн оҥоһуллубута.

— Тирээн турар сытыы кыһалҕалары ырыттыбыт. Кырдьаҕастар, инбэлииттэр интэринээт-дьиэлэригэр олохтоохтору кытта кэпсэттим. Боппуруостары үлэ, социальнай сайдыы министиэристибэтин уонна Социальнай пуонданы кытта бииргэ быһаарыахпыт, — диэн Героргий Степанов эттэ.

Сиһилии: https://mintrud.sakha.gov.ru/news/14406