Хаартыска: СИА
Олорор дьиэни гааска холбооһун босхо өҥөтө билиҥҥитэ 37 буойун дьиэ кэргэнигэр оҥоһуллубутун туһунан вице-премьер брифиҥҥэ иһитиннэрбитэ.
Кини салгыы өрөспүүбүлүкэ уонна улуустар таһымнарыгар олохтоммут өйөбүл кэрискэлэрин туһунан кэпсиир:
— Ил Дархан Айсен Николаев дьаһалынан байыаннай эпэрээссийэ кыттыылаахтарыгар уонна кинилэр дьиэ кэргэттэригэр өрөспүүбүлүкэ өйөбүлэ салҕанар. Байыаннай сулууспалаахтар 59 төрөппүттэрэ санаторийга уонна куруорка эмтэниигэ итиэннэ 113 дьиэ кэргэн байыаннай сулууспалаах эмтэнэр сиригэр барар айаннарыгар көмөнү ыллылар.
Байыаннай сулууспалаах 1 811 оҕото сайыҥҥы оҕо лааҕырдарыгар сынньанар босхо путевкаларынан хааччыллыбыттара. Оҕо саадын иһин төлөбүртэн 1 387 оҕо төрөппүтэ босхоломмута, байыастар оҕолоруттан 5-11 кылааска үөрэнэр 1 232 оҕо ааспыт үөрэх дьылыгар оскуолаҕа босхо аһылыгынан хааччыллыбыта.
Билигин үрдүк уонна орто үөрэхтэргэ байыаннай сулууспалаахтар оҕолорун кытта өрөспүүбүлүкэ бүддьүөтүн суотугар тус сыаллаах үөрэххэ киириилэригэр 125 дуогабар түһэрсилиннэ. Байыаннай дьайыыга кыттар 388 устудьуоҥҥа уонна байыастар оҕолоро-устудьуоннарга байыаннай дьайыыга сылдьалларын устатыгар үрдэтиллибит истипиэндьийэ олохтоммута.
Өрөспүүбүлүкэ кэккэ өйөбүллэрин сэргэ, улуустарга муниципальнай таһымнаах өйөбүл, көмө кэрискэлэрэ үлэлииллэр. Ол иһигэр саастарын ситэ илик оҕолорго култуура, успуорт, физкултуура тэрээһиннэригэр босхо сылдьыы өйөбүлэ көрүллэр. Бу курдук араас өйөбүл, көмө олохтонон, хас биирдии байыаннай эпэрээссийэ кыттыылааҕын дьиэ кэргэнэ болҕомто уонна кыһамньы ортотугар сылдьар.
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников дойду Бэрэсидьиэнэ Владимир Путин көҕүлээбит “Олох инфраструктурата”…
Бу күннэргэ Арассыыйа Наукаларын академиятын Сибиирдээҕи салаатын Гуманитарнай чинчийиилэр уонна хотугу норуоттар кыһалҕаларын института тэриллибитэ…
“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу…
Саха сиринээҕи Саахал мэдиссиинэтин киинин үлэһиттэрэ «Путь воина» күрэхтэһиигэ көмөнү оҥорорго бэлэмнэр. Саахал мэдиссиинэтин киинин…
Арассыыйаҕа 2026 сылтан биэнсийэни индексациялааһын икки түһүмэҕинэн барар буолуоҕа. Бу туһунан Социальнай пуонда бэрэссэдээтэлэ Сергей…
Бэҕэһээ «Путь воина» күрэхтэһии бастакы түһүмэҕэр Саха сирин «Боотур» хамаандата уонна Хабаровскай «Амурские воины» хамаанданы…