Гепатиттан харыстаныы нэдиэлэтэ

Нэһилиэнньэ доруобуйатын  уонна ыарыыны сэрэтэр өрөспүүбүлүкэтээҕи киин иһитиннэрэринэн, С гепатит – вируһунан бэриллэр ыарыы. Онуоха быар уонна да атын органнар эмсэҕэлиэхтэрин сөп.

Ыарыһах кыайан эмтэммэтэҕинэ, ааспат-арахпат ыарыыга кубулуйуон сөп. Инфекция соҕотох төрүөтүнэн С гепатитынан ыалдьыбыт киһи буолар.

С гепатиттан хайдах харыстаныахха?

-Атын киһи бытык хорунарын, тарааҕын, тиис суунар щеткатын уонна маникюрын тэриллэрин туттумаҥ;
-Косметология солуонугар аан бастаан үнүстүрүмүөннэр (ол иһигэр, биирдэ эрэ туттуллааччылар) стерильнайдарын бэрэбиэркэлээҥ;
-С гепатикка доруобуйаҕытын тиһигин быспакка бэрэбиэркэлэтэ сылдьыҥ.

Бэйэҕитин харыстаныҥ уонна доруобай буолуҥ.