ГИБДД төттөрү ГАИ буолла

ГИБДД-ны Арассыыйаҕа  Госавтоинспекция диэн урукку аатыгар көһөрдүлэр. Бу туһунан быһаарыы федеральнай сокуон таһымыгар бигэргэннэ.

Быһаарыы ылыллыбытын туһунан, ыам ыйын 28 күнүгэр ИДьМ иһинэн уопсастыбаннай Сэбиэтин президиумун мунньаҕар Арассыыйатааҕы ИДьМ начаалынньыга Михаил Черников «Известия» ханаалга кэпсээтэ.

«Биһиги билигин Госавтоинспекция диэн буоллубут, ГИБДД ааты көтүрэбит. Барыта сокуон хараҕынан бэрээдэктэнэр»,- диэтэ Михаил Черников уонна нуормалыыр-быраап аахталарын докумуоннара барыта уларыйарын туһунан бэлиэтээтэ.

ГИБДД аббревиатура 1998 сыллаахтан киирбитэ. Бу иннинэ ГАИ диэн аббревиатура туһаныллара.  ГАИ ааты 1936 сыллаахха ССРС Сэбиэскэй норкуомун быһаарыытынан тэриллибитэ. Дойду Бэрэсидьиэнин Ыйааҕынан 2002 с. от ыйын 2 күнүнээҕи 679 №-дээх быһаарыытынан кылгастык «Госавоинспекция» диэн аббревиатура киллэриллибитэ. «ГАИ» диэн аат 1998 сылтан туһаныллыбат буолбута.