Гидрологическай балаһыанньа кытааттаҕына пассажирдары Ми-8 бөртөлүөтүнэн таһыахтара

Ыам ыйын 17 күнүнээҕи туругунан Өлүөнэ мууһа Ленскэй, Өлүөхүмэ уонна Хаҥалас улуустарынан устар.  Аны биир-икки хонугунан Покровскай — Дьокуускай — Кангаласс учаастагынан муус устара күүтүллэр.  Билигин пассажирдары  таһыыга Өлүөнэ өрүһүнэн Аллараа Бэстээх — Дьокуускай, Кангаласс — Суотту хайысхаларынан уонна Алдан өрүскэ Хаандыга — Кэскил туһаайыытынан  сымнаҕас сыттыктаах 50 суудуна  үлэлиир. 

Ол курдук,  Аллараа Бэстээх — Дьокуускай (202 мкр) хайысхатынан  «Хивус-10» 30 суудуна,  «Тайфун» 8 аэробот уонна  3  «Нептун-23» суудуналар үлэлииллэр.

Кангаласс  — Суотту хайысхатынан  3  «Славир-6»  уонна 1  «Тайфун» аэробот  сылдьаллар.

Хаандыга — Кэскил хайысхатынан Алдан өрүскэ икки суудуна дьону туоратар.

Көмүөл хойуутук устар кэмигэр пассажирдары таһыыга    аэробот көмөтүн туһаныахтара.  Маннык суудуналарга биэс-алта киһи эрэ батар.

Гидрологическай балаһыанньа кытааттаҕына   «Полярные авиалинии» АХ  Ми-8  бөртөлүөтэ көтүөҕэ.