Гиирэ анньааччыларбыт Бурятияҕа күрэхтэһэ барыахтара.
Гиирэ спордугар Саха сирин сүүмэрдэммит хамаандатын сүрүн тириэньэрэ, СӨ үтүөлээх тириэньэрэ Василий Николаевич Дьячковскай:
— Сэтинньи 17-20 күннэригэр ыаллыы Бурятияҕа, Улан-Удэ куоракка, спорт үтүөлээх маастара Сергей Леонов бирииһигэр сыл аайы үгэс буолбут Бүтүн Арассыыйатааҕы турнир ыытыллар. Саха сириттэн 42 спортсмен кытта бараары бэлэмнэнэ сылдьар. Ол курдук Мииринэйтэн, Нерюнгриттэн, Тааттаттан, Чурапчыттан, Уус Алдантан, Дьокуускайтан спортсменнар бааллар.
Манна оҕолор, дьахталлар, эр дьоннор, бэтэрээннэр саастарынан арахсан илин-кэлин былдьаһыахтара. Судьуйа быһыытынан Попов Сэмэн, биһиги өрөспүүбүлүкэбит биир чулуу судьуйата баран үлэлиэҕэ.
Бу турнир туһунан этэр буоллахха, сыл аайы элбэх эрэгийиэнтэн кэлэн кытталлар. Сорох сыл 400-тэн тахса спортсмен кэлээччи. Оттон Сергей Леонов диэн Бурятия биир улуу спортсмена, гиирэ спордугар Аан дойду, Европа, Арассыыйа элбэх төгүллээх чөмпүйүөнэ. Иккитэ Бурятия Норуот Хуралын депутатынан талылла сылдьыбыта. Арассыыйаҕа аан бастакынан гиирэ спордун киинин туттаран үлэлии-хамсыы сылдьар бэртээхэй киһи. Биһигини, сахалары, наар өйүүр уонна көмөлөһө сатыыр.
Спортсменнарбытыгар ситиһиини баҕарабыт! Итиэннэ Бурятияттан үчүгэй сонуну кэтэһэбит.
Петр Павлов.
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…
Арассыыйа бастакы национальнай сервиһин – «МАХ» сыһыарыы кыахтара кэҥээн иһэрин туһунан www.sakha.gov.ru иһитиннэрэр. «МАХ» биир…
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика…
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө…