«Голос» оҕолору кэрэ эйгэтигэр угуйар

Дьокуускайга “Голос” устуудьуйа оҕону кэрэ эйгэтигэр угуйар.  Устуудьуйаны Татьяна, Христофор Саввиновтар салайаллар.  Устуудьуйа тэриллибитэ аҕыс сылынан төрөппүттэргэ аһаҕас дьарык көрдөрдүлэр. Бу үлэ элбэх үлэттэн тахсарын биһиги билэбит. Сыллата аайы манна дьарыктаныан баҕалаах оҕо элбээн иһэр. Оҕолору манна саастарынан арааран бэлэмнииллэр. Биирдиилээн оҕолору кытта Айыллаана Харитонова дьарыктанар.

Бу түмүгэр   оҕолор араас таһымнаах ситиһиилэрдээхтэр:

“Бриллиантовые нотки-2023 с.” Гран-пригэ тиксибиттэрэ. Ону тэҥэ Аделина Соловьева (“Кукла колдуна”), Айлин Дарханова, Аскольд Потапов “Живет победа в поколениях” Бүтүн Арассыыйатааҕы куонкуруска эмиэ бу үрдүк ааты ылары ситиспиттэрэ.

Казахстаҥҥа ыытыллыбыт норуоттар икки ардыларынааҕы куонкуруска  «The Angels «Дети севера Саха» бөлөх уонна  алта оҕо бастакы степеннээх лауреат, дипломант аатын сүгэн, Саха сирин үрдүк таһымҥа таһаардылар.

Бу “Голос” Светлана, Егор Неустроевтар “Тулуйхан” устуудьуйаларын салҕааччынан буолар. Татьяна Егоровна кыра эрдэҕиттэн кэрэ эйгэҕэ улааппыт буолан, кинилэр утумнарын салҕааччынан буолар.

Билигин  устуудьуйа оҕолоро Москваҕа «Кремлевскай елкаҕа» ыҥырыллан, куонкуруска кытта бараары бэлэмнэнэллэр.  Оҕолорбутугар инникитин элбэх ситиһиилэри, дойдуларын аатын ааттата туралларыгар баҕарабыт.

Вера Владимирова, Дьокуускай