Хаартыска: sakha.gov.ru
Олунньу 3-4 күннэригэр 2024 сыл түмүгүнэн Саха сирин толорор былааһын уорганнарын отчуота Горнай улууһугар ыытылынна. Манна улуус 606 олохтооҕо кытынна. Бырабыыталыстыба бөлөҕүн вице-премьер Ольга Балабкина салайда.
— Быйылгы сылга бастакынан Горнай улууһугар ыытыллыбыт бырабыыталыстыба отчуота Бэрдьигэстээххэ нэһилиэнньэни уонна улуус салалтатын кытта дьоһуннаах, сиһилии кэпсэтиинэн түмүктэннэ. Боппуруостары эрдэттэн бэлэмнэнэн, эппиэтинэстээхтик, чуолкайдык биэрдилэр диэн сыаналыыбын. Боппуруостар саҥа эбийиэктэри тутууга, баар кыһалҕалары быһаарыыга сыһыаннаахтар. Ол курдук, саҥа оскуолалары, уһуйааннары уонна катогу тутары туруорустулар, — диэн Ольга Балабкина отчуот түмүгүн таһаарда.
Кини тыа хаһаайыстыбатыгар, мелиорацияҕа, ходуһалары, бааһыналары оҥорууга, ньүөлсүтүүэ, өртөөһүҥҥэ быһаарылла илик боппуруостар баалларын нэһилиэнньэ туруорсарын ыйда. Отчуокка ким баҕалаах бырабыыталыстыба чилиэннэригэр ыйытыы биэрэн, хоруй ылар, этии киллэрэр кыахтаах. Боппуруос боротокуолга тиһиллэн иһэр.
Маны тэҥэ, бырабыыталыстыб чилиэннэрэ хас сылдьыбыт нэһилиэктэрин аайы дьону кытта көрүстүлэр, социальнай эбийиэктэргэ сырыттылар. Бэс Күөлгэ Элбэх дьайыыны оҥорор киин тутулла турарын бэрэбиэркэлээтилэр. Өрт сэлиэнньэтигэр С.И. Тарасов аатынан орто оскуолаҕа, Кэптиҥҥэ бибилэтиэкэҕэ, түмэлгэ сырыттылар. Бу — хаарбах туруктаах дьиэлэр.
Бырабыыталыстыба отчуота олунньу-кулун тутар ыйдарга бары улуустары, нэһилиэктэри хабыаҕа. Отчуот түмүгэ саха тэлэбиидэнньэтигэр тазсыаҕа.
Отчуот кыраапыгын туһунан манна билсиэххэ сөп: https://www.sakha.gov.ru/news/front/view/id/3480409.
Ил Дархан, бырабыыталыстыба пресс-сулууспата.
Дойду Бэрэсидьиэнэ Владимир Путин сылы түмүктүүр быһа эпиирэ буолан ааста, олох бары салаата хабылынна. Бүтүн…
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…